ខ្សែប្រយុទ្ធ Harry Kane និងបន្តស្នាក់នៅក្លឹបមាន់ខ្នាយមាស Tottenham ប្រសិនក្រុមម្ចាស់ជើងឯក Bayern Munich ខកខានក្នុងការផ្ទេរយកខ្សែប្រយុទ្ធរូបនេះនៅពេលរដូវកាលថ្មីនៃក្របខ័ណ្ឌ Premier League ចាប់ផ្តើម។ មានន័យថាលីគកំពូលអង់គ្លេសនៅសល់ពេលវេលាត្រឹមតែ៩ ថ្ងៃទៀតប៉ុណ្ណោះ និងឈានដល់ការប្រកួតដំបូងនៃយុទ្ធនាការរដូវកាលថ្មី ក្រោយពីការដេញថ្លៃចុងក្រោយតម្លៃ៨៥លានផោន សម្រាប់ខ្សែប្រយុទ្ធ វ័យ ៣០ ឆ្នាំ ត្រូវបានបដិសេធ។ ទោះយ៉ាងណាក្លឹបដែលមានមូលដ្ឋាននៅទីក្រុងឡុងដ៏ នៅតែប្រកាន់ជំហរថាខ្សែប្រយុទ្ធរបស់ពួកគេមានតម្លៃខ្លួនយ៉ាងហោចណាស់ក៏១០០ លានផោនដែរ។
គេហទំព័រ The Independent បានចុះផ្សាយថា Bayern Munich នៅតែមានទំនុកចិត្តលើកិច្ចព្រមព្រៀងនាំយក Kane មុនពេលTottenham នឹងត្រូវជួប Brentford នៅថ្ងៃអាទិត្យទី ១៣ ខែសីហា ក្រោយពេលជួបជាមួយ Shaktar Donetsk និង Barcelona ក្ចុងការប្រកួតមិត្តភាពចុងក្រោយរបស់ពួកគេ។គួរបញ្ជាក់ថាប្រធានក្រុមជម្រើសជាតិអង់គ្លេសសម្លឹងចង់ឈ្នះពានលើកដំបូងក្នុងអាជីព ក្រោយចំណាយពេលលេងឈុតធំជាមួយក្លឹបតាំងពីឆ្នាំ ២០០៩ និង កំលុងពេល១៤ឆ្នាំរូបគេធ្លាប់លេងខ្ចីជើងអោយក្លឹប៤ផ្សេងគ្នាមុនពេលត្រលប់មកTottenham វិញនៅឆ្នាំ ២០១៣។
ប្រភព:sportsbrief
វីដេអូ:
