(ឡុងដ៍)៖ ក្លិប Brighton បានចុះកិច្ចសន្យានាំយកខ្សែការពារកណ្តាល សញ្ជាតប្រេស៊ីល Igor Julio មកពីក្លិបអ៊ីតាលី Fiorentina ក្នុងតម្លៃ១៧លានអឺរ៉ូ (១៤.៥លានផោន)។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៦ ខែកក្កដា ឆ្នាំ២០២៣។
កីឡាករវ័យ២៥ឆ្នាំរូបនេះ បានព្រមព្រៀងលើកិច្ចសន្យា៤ឆ្នាំ ជាមួយក្លិប Brighton។
Igor បានទៅដល់កីឡដ្ឋាន Amex Stadium បន្ទាប់ពី Brighton បានទទួលការច្រានចោល នូវសំណើរដេញថ្លៃ៤០លានផោន ក្នុងការនាំយកខ្សែការពារ Colwill វ័យ២០ឆ្នាំ របស់ក្លិប Chelsea។
ខ្សែការពារ Chelsea រូបនេះ បានជួយឲ្យ Brighton បញ្ចប់ក្នុងចំណាត់ថ្នាក់ទី៦ ក្នុងលីគ Premier League និងឡើងទៅលេងនៅលីគ Europa League នៅអំឡុងពេលលេងខ្ចីជើង ប្រកបដោយលទ្ធផលជោគជ័យ កាលពីរដូវកាលមុន។
Igor បានចាប់ផ្តើមអាជីពរបស់លោក នៅឯក្លិប Austrian Bundesliga និងក្លិប Red Bull Salzburg មុនពេលផ្លាស់ទៅលេងនៅក្លិបអ៊ីតាលី SPAL ហើយក្រោយមកបានចូលរួមជាមួយក្លិប Fiorentina កាលពីខែមករា ឆ្នាំ២០២០ ហើយបានបង្ហាញខ្លួន១១០ប្រកួត សម្រាប់ក្លិបលេងនៅលីគ Serie A នេះ៕
ក្រុមហង្សក្រហម Liverpool កំពុងសម្លឹងមើលគោលដៅបន្ទាប់របស់ពួកគេបន្ទាប់ពីការមកដល់របស់ខ្សែបម្រើអន្តរជាតិអាឡឺម៉ង់ Florian Wirtz និងការចុះហត្ថលេខាលើកីឡាករអន្តរជាតិហុងគ្រី Milos Kerkez ដែលនិងត្រៀមឆ្លងកាត់ការពិនិត្យសុខភាព និងបង្ហាញខ្លួនជាផ្លូវការយ៉ាងយូរមុនថ្ងៃព្រហស្បត្ត៍សប្តាហ៍ក្រោយនេះហើយ។ប្រភពពីគេហទំព័រ talkSPORT បានចុះផ្សាយថាៈម្ចាស់ជើងឯក EPL មិនទាន់បញ្ចប់ការចង់បានក្នុងការនាំយកសមាជិកថ្មីនោះទេ ខណៈបច្ចុប្បន្នពួកគេត្រៀមចរចារចុះហត្ថលេខាលើប្រធានក្រុម Crystal Palace កីឡាករ Marc Guehi ម្នាក់ទៀតមករួមក្រុម ។Wirtz បានបញ្ចប់ការផ្ទេរពី Bayer Leverkusen ទៅ Premier League ក្នុងតម្លៃខ្លួន ១១៦,៥ លានផោនក្នុងកំណត់ត្រាមួយថ្លៃបំផុតរបស់អង់គ្លេស។ ស្របពេលក្រុមលោក Arne Slot បានបន្តចាយប្រាក់ប្រមាណ ៤០ លានផោននាំយក Kerkez ពី Bournemouth ជិតរួចរាល់ហើយ ខណៈ Jeremie Frimpong គឺជាគោលដៅជំនួសការចាកចេញរបស់ Trend Alexander Arnold និងខិតចូលមកបន្តបន្ទាប់ទៀតនោះ ។វាមានន័យថាការចំណាយសរុបរបស់ម្ចាស់ជើងឯក Premier League នៅរដូវក្តៅនេះត្រូវបានកំណត់រួចហើយថាអាចលើសពី ១៨៥ លានផោន […]
