(បរទេស)៖ យោងតាមរបាយការណ៍របស់ BBC Sport បានឲ្យដឹងថា ក្លឹប Nottingham Forest ជិតឈានដល់កិច្ចព្រមព្រៀងចុះហត្ថលេខាផ្លូវការលើកីឡាករ Willian ដែលជាអតីតខ្សែបម្រើស្លាបរបស់ក្រុមកាំភ្លើងធំ Arsenal និងក្រុមតោខៀវ Chelsea ដោយគ្មានតម្លៃផ្ទេរ។ កីឡាករជើងចាស់វ័យ ៣៤ឆ្នាំរូបនេះ បានបង្ហាញខ្លួនចំនួន ៣០ប្រកួតឱ្យក្លឹប Fulham កាលពីរដូវកាលមុន។ គាត់ស៊ុតបញ្ចូលទីបាន ៥គ្រាប់ និងបញ្ជូនបាល់ឲ្យមិត្តរួមក្រុម (Assist) ៦ដងក្នុងរដូវកាល ២០២២-២៣ ហើយត្រូវបានផ្តល់ជម្រើសដើម្បីបន្តការស្នាក់នៅក្លឹប Fulham ប៉ុន្តែ Willian បានបដិសេធលើកិច្ចព្រមព្រៀងនោះ។ គួរបញ្ជាក់ផងដែរថា Willian នឹងក្លាយជាកីឡាករដំបូងរបស់ក្លឹប Forest ក្នុងរដូវកាលដោះដូរកីឡាករនារដូវក្តៅនេះ៕
(អេស្ប៉ាញ)៖ ខ្សែប្រយុទ្ធស្លាបឆ្នើម Vinicius Junior បានបង្ហើបក្រោយស៊ុត Hat-Trick យ៉ាងដូចេ្នះថា រូបគេចង់បន្តរួមរស់ស្នាក់នៅក្លឹប Real Madrid “ជារៀងរហូតតែម្តង” ដោយកីឡាករអន្តរជាតិប្រេស៊ីលវ័យ ២៤ឆ្នាំ មិនមានបំណងចង់ចាកចេញពីកីឡាដ្ឋាន Bernabeu នោះទេ ចំពេលមានការចាប់អារម្មណ៍ពីក្លឹបនៅអារ៉ាប៊ីសាអូឌីតក៏ដោយ។អត្ថបទកំពុងចាប់អារម្មណ៍៖ មិនមែន Mbappe ! តារាឆ្នើមរូបនេះទទូចថា «ចង់រួមរស់នៅ Real Madrid អស់មួយជីវិត» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Vini Jr មានកុងត្រាជាមួយ Real Madrid រហូតដល់ខែមិថុនា ឆ្នាំ២០២៧ ប៉ុន្តែនៅតែមានការរំពឹងទុកជុំវិញអនាគតរបស់គេ ដោយក្លឹបអ្នកមានធំៗមកពី Saudi Pro League គឺ Al-Hilal បាននិយាយថា អស់សង្ឃឹមក្នុងការចុះហត្ថលេខាលើគេ។ Al-Hilal មានឆន្ទៈចំណាយប្រាក់ ១៦៧.៥លានផោន ដើម្បីចរចាទិញ Vini នៅឆ្នាំក្រោយ៕ ប្រភព៖ SportsMole