ក្រុមម្ចាស់ផ្ទះដែលមានចំណាត់ថ្នាក់ទី១៩បាតតារាង Everton និងត្រូវបើកទ្វារកីឡាដ្ឋាន Goodision Park ទទួលភ្ញៀវ Newcastleដែលមានចំណាត់ថ្នាក់លេខ៣ សម្រាប់ការប្រកួតក្របខណ្ឌEPL នៅវេលាម៉ោង ១:៤៥នាទីរំលងអធ្រាតឈាន​ចូលថ្ងៃសុក្រ​ស្អែកនេះ។ក្រុមភ្ញៀវNewcastle កាន់តែបោះជំហ៊ានទៅមុខដើម្បីមានឪកាសលេងនៅក្របខណ្ឌChampion League វគ្គជម្រុះក្រោយលត់ Tottenham ខណៈ Everton មិនអាចរើចេញពីបាតតារាងក្រោយស្មើ Crystal Palace។

១៤ប្រកួតមិនដែលឈ្នះនៅរដូវកាលនេះក្រៅទឹកដីសម្រាប់Everton អាចនិងជះឥទ្ធិពលបន្ថែមទៀតសម្រាប់ការប្រកួតក្នុងទឹកដី នាពេលនេះ។ សម្រាប់ Everton ៥ប្រកួតចុងក្រោយគឺមិនដែលឈ្នះទេ ខណៈNewcastle ឈ្នះ៦ក្នុងចំណោម៧​ប្រកួតចុងក្រោយ។ជួបគ្នាដើមរដូវកាលនេះ Newcastle ផ្តួល Everton ១ទល់និង០។
ប៉ុន្តែ Newcastle United បានឈ្នះតែមួយប្រកួតគត់ក្នុងចំណោម១០ ប្រកួតចុងនៅផ្ទះ Everton ក្នុងក្របខ័ណ្ឌ Premier Leagueគឺនៅក្នុងខែមករា ឆ្នាំ២០២១។ ប៉ុន្តែ Newcastle United បានឈ្នះ ៤ប្រកួតក្នុងចំណោម ៥ ប្រកួតចុងក្រោយរបស់ពួកគេ​ជាមួយEverton នៅ EPL។

១.៦ប្រកួតចុងក្រោយសម្រាប់Everton នៅ EPL គឺឈ្នះ១ស្មើ៣ចាញ់២
២.ជម្រើស១១នាក់ដំបូងសម្រាប់ Everton អាចនិងចូលលេង
Pickford; Patterson, Keane, Tarkowski, Mykolenko; Iwobi, Onana, Gueye, Doucoure, McNeil; Calvert-Lewin
(ទម្រង់លេងអាចនិងយកមកប្រើប្រាស់ ៤-៤-២)
៣.ជម្រើស១១នាក់ដំបូងសម្រាប់ Newcastleអាចនិងចូលលេង
Pope; Trippier, Schar, Botman, Burn; Willock, Bruno Guimaraes, Longstaff; Murphy, Wilson, Joelinton
(ទម្រង់លេងអាចនិងយកមកប្រើប្រាស់ ៤-៣-២)
៤.លទ្ធផលទស្សន័ទាយសម្រាប់គូនេះគឺ Everton 0: ២ Newcastle
ប្រភព:sportsmole & whoscored