បរទេស៖ Barcelona ត្រៀមលក់ខ្សែបម្រើស្លាប Raphinha ទៅឲ្យ Arsenal ក្នុងក្តីសង្ឃឹមនៃការវិលត្រឡប់របស់ Lionel Messi។ យោងតាមសារព័ត៍មាន AS បានចុះផ្សាយថា Arsenal, Tottenham Hotspur និង Newcastle United បានរក្សាចំណាប់អារម្មណ៍លើ Raphinha នៅមុនទីផ្សារដោះដូរកីឡាកររដូវក្តៅ។ ជាការពិតណាស់ ក្រុមប្រឹក្សាភិបាលរបស់ Barcelona ត្រូវបានគេគិតថា នឹងបើកចំហរក្នុងការលក់កីឡាករវ័យ 26 ឆ្នាំរូបនេះ ប្រសិនបើពួកគេទទួលផលប្រយោជន៍ច្រើនពីការលក់ខ្សែប្រយុទ្ធរូបនេះ ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
កាលពីដើមខែនេះ មានការលេចលឺថា Barcelona កំពុងបង្កើនកិច្ចខិតខំប្រឹងប្រែងរបស់ពួកគេក្នុងការចុះហត្ថលេខាលើ Messi ឡើងវិញនៅរដូវក្តៅនេះ។ ក្លឹបត្រូវបានគេរាយការណ៍ថាកំពុងពិភាក្សាជាមួយ La Liga អំពីការបង្កើតភាពបត់បែនបន្ថែមទៀតនៅក្នុងបទប្បញ្ញត្តិ Financial Fair Play របស់ពួកគេ។ ជាការពិតណាស់ ក្លឹបនេះត្រូវបានចោទប្រកាន់ដោយលីកសម្រាប់ការបំពានដែនកំណត់ FFP របស់ពួកគេជាមួយនឹងកីឡាករបីនាក់ក្នុងអំឡុងរដូវកាល 2021-22 ។
