(អង់គ្លេស)៖ យោងតាមសារព័ត៌មាន BBC បានឲ្យដឹងថា ក្លឹបបិសាចក្រហម Manchester United ជាមួយនឹងការស្វែងរកនាំចូលបន្ថែមនៅជម្រើសខ្សែប្រយុទ្ធថ្មី ពេលនេះកំពុងតែមានភាគរយខ្ពស់ក្នុងនាំយកកីឡាករ Matheus Cunha ខណៈសមាជិកថ្មីរូបនេះ អាចស្ថិតក្នុងតម្លៃផ្ទេរប្រមាណជា ៦២លានផោន ពីក្លឹប Wolverhampton Wanderers ។
ភាគីទាំងសងខាងកំពុងមានការពិភាក្សាមួយ ដែលនឹងឈានដល់កិច្ចព្រមព្រៀងទាំងស្រុងលើលក្ខខណ្ឌផ្ទាល់ខ្លួន ខណៈប្រភពពីភ្នាក់ងារបានបង្ហាញថា កិច្ចព្រមព្រៀងកំពុងឈានទៅរកដំណើរការផ្លូវការរួមទាំងតម្លៃផ្ទេរ ។ ដ្បិត Wolves មិនទាន់មានការព្រមព្រៀងចំពោះការផ្ដល់ជូនណាមួយក្នុងការផ្លាស់ប្តូរនេះជាផ្លូវការនៅឡើយនោះ ប៉ុន្តែវានឹងអាចត្រូវបានគេរំពឹងទុកថា នឹងបញ្ចប់នៅប៉ុន្មានថ្ងៃខាងមុខនេះ។
គួរជម្រាបដែរថា ចំនួនទឹកប្រាក់ប្រមាណ ២០.៨លានផោន ដំបូងនឹងត្រូវបង់នៅពេលចុះកិច្ចសន្យាទិញ ហើយនឹងត្រូវបង់ប្ថែមនៅចុងរដូវកាលក្រោយ ជាមួយនឹងចំនួនចុងក្រោយដែលត្រូវបង់ក្នុងទីផ្សាររដូវក្តៅឆ្នាំ២០២៧ សម្រាប់ខ្សែប្រយុទ្ធវ័យ ២៥ឆ្នាំ កំពុងជាប់ឈ្មោះក្នុងជម្រើសប្រេស៊ីល លេងជម្រុះព្រឹត្តិការណ៍ FIFA World Cup ២០២៦ និងរកបានដល់ទៅ ១៧គ្រាប់ នៅគ្រប់កម្មវិធីលេងរបស់ Wolverhampton Wanderers ក្នុងរដូវកាលនេះ៕
ប្រភព៖ BBC
(អង់គ្លេស)៖ របាយការណ៍ថ្មីៗនាព្រឹកនេះ បានឲ្យដឹងថា គ្រូបង្វឹកបច្ចុប្បន្នក្លឹប Crystal Palace លោក Oliver Glasner គឺជាបេក្ខភាពជំនួសតំណែងអ្នកចាត់ការទូទៅក្លឹបបិសាចក្រហម Manchester United គឺលោក Ruben Amorim បន្ទាប់ពីមានភាពចម្រូងចម្រាស់បរាជ័យផ្ទួនៗតែម្តងនារដូវកាលថ្មី Premier League ដោយស្ថិតនៅក្នុងចំណាត់ថ្នាក់លេខ១៤។អត្ថបទកំពុងចាប់អារម្មណ៍៖ ស្ថានការណ៍មិនសមប្រកប! គ្រូបង្វឹកថ្មីម្នាក់ នឹងចូលជំនួសលោក Amorim ប្រសិនក្លឹបមិនធ្វើរឿងមួយនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា លោក Glassner បានគំរាមកំហែងពីការលាឈប់ពីតួនាទីរបស់គាត់នៅ Crystal ប្រសិនបើក្លឹបនៅតែចង់លក់ប្រធានក្រុម Marc Guehi ទៅឲ្យក្លឹបហង្សក្រហម Liverpool ៕ ប្រភព៖ SPORTbible
