បរទេសៈ Virgil van Dijk ប្រធានក្រុម Liverpool ត្រូវបានគេរាយការណ៍ថា កំពុងពិភាក្សា ដើម្បីចាកចេញពីក្លឹប ដោយភ្នាក់ងាររបស់គាត់បានជួបជាមួយប្រធានក្លឹប Al Hilal នៅទីក្រុងឡុងដ៍ ដើម្បីពិភាក្សាអំពីការផ្លាស់ប្តូរសក្តានុពលទៅកាន់ Saudi Pro League នៅរដូវក្តៅខាងមុខ។

កិច្ចសន្យាបច្ចុប្បន្នរបស់ Van Dijk ជាមួយ Liverpool នឹងផុតកំណត់នៅខែមិថុនា ខណៈបច្ចុប្បន្នក្លឹបបានផ្តល់ឱ្យគាត់នូវការបន្តរយៈពេល 2 ឆ្នាំបន្ថែមទៀត ប៉ុន្តែការចរចារមិនទាន់ឈានដល់កិច្ចព្រមព្រៀងគ្នានៅឡើយ។ Van Dijk បានបង្ហាញពីបំណងចង់បន្តលេងនៅកម្រិតខ្ពស់បំផុតអស់រយៈពេលជាច្រើនឆ្នាំទៀត ហើយលទ្ធផលនៃការពិភាក្សានៅតែមិនច្បាស់លាស់៕