លោក David Moyes ត្រូវបានតែងតាំងជាអ្នកចាត់ការថ្មីរបស់ក្លឹបស្ករគ្រាប់ Everton ខណៈបុរសសញ្ជាតិស្កុតឡេនបានវិលត្រឡប់ទៅកាន់ទឹកដីទីលាន Goodison Park ជាលើកដំបូងចាប់តាំងពីឆ្នាំ ២០១៣(ពោលគឺ១១ឆ្នាំ ២០០២-២០១៣) ក្រោយចាកចេញទៅដឹកនាំ Man.Utd ជំនួសគ្រូតា Sir Alex Ferguson នាពេលនោះ។ លោក Moyes បច្ចុប្បន្នមានវ័យ ៦១ ឆ្នាំធ្លាប់មានបទពិសោធន៍ដឹកនាំក្លឹប Sunderland, Real Sociedad និងចុងក្រោយគឺ West Ham United ជាកន្លែងដែលគាត់បានឈ្នះពានរង្វាន់ Europa Conference League និងធ្លាប់ដឹកនាំ Everton ឈានដល់វគ្គផ្តាច់ព្រ័ត្រFA Cup នៅឆ្នាំ ២០០៩ផងដែរ ។

បច្ចុប្បន្ន Everton ឈរនៅចំណាត់ថ្នាក់លេខរៀងទី ១៦ និងមានគម្លាតត្រឹម១ពិន្ទុប៉ុណ្ណោះ ខណៈ ពួកគេទើបតែបញ្ចប់តំណែងអតីតគ្រូបង្វឹកលោក Sean Dyche កាលពីពាក់កណ្តាលសប្តាហ៏នេះក្រោយដឹកនាំមិនបានទទួលលទ្ធផលល្អទាល់តែសោះ។
ប្រភព:Eurosport