កិច្ចខិតខំប្រឹងប្រែងរបស់ក្លឹបអ្នកមានបុណ្យ Barcelona ក្នុងការចុះឈ្មោះកីឡាករ Dani Olmo នៅពាក់កណ្តាលរដូវកាលនេះ បានជួបបញ្ហាដ៏ធំមួយ បន្ទាប់ពីចៅក្រមបានច្រានចោលការអង្វររបស់ពួកគេជាមួយមូលហេតុដោយសារតែក្លឹបយក្សកាតាឡាន់មានបំណុលរុំខ្លួន មិនអាចដោះស្រាយរួចនោះ។
Olmo ខ្សែបម្រើ-ប្រយុទ្ធស្លាបដែលបានជួយអោយគោជល់អេស្បាញលើកពានព្រឹត្តការណ៍ Euro ២០២៤ បានផ្ទេរពី RB Leipzig ទៅ Barcelona ក្នុងខែសីហា កន្លងទៅប៉ុន្តែកីឡាករវ័យ ២៦ ឆ្នាំរូបនេះមានសិទ្ធិលេងត្រឹមចុងឆ្នាំ ២០២៤ ដោយសារតែបញ្ហាហិរញ្ញវត្ថុរបស់ក្លឹប។ មួយវិញទៀត Olmo មានឱកាសបង្ហាញខ្លួនដោយសារតែខ្សែការពារម្នាក់របស់ Barcelona មានបញ្ហារបួសរយៈពេលយូរនោះគឺ Andreas Christensen ខណៈអតីតខ្សែការពារក្រុមតោខៀវ Chelsea ខិតជិតត្រលប់មកវិញប្រភពពីគេហទំព័រ Mundo Deportivo បានចុះផ្សាយថាៈOlmo អាចនិងមិនបានចូលលេងសម្រាប់ពេលវេលាដែលនៅសល់គិតត្រឹមដើមឆ្នាំ២០២៥ រឺ ចាប់ពីពាក់កណ្តាលនៃរដូវកាលនេះ។
ប្រភពខាងលើបន្តថាៈ ចៅក្រម Ignacio Fernandez de Senespleda ប្រធានតុលាការពាណិជ្ជកម្មទី១០ នៃទីក្រុង Barcelona បានច្រានចោលការស្នើសុំចុះឈ្មោះ Olmo ។ទោះយ៉ាងណា Barcelona នឹងចាប់ផ្តើមដាក់បណ្តឹងសាជាថ្មីប្រឆាំងនឹង La Liga នៅក្នុងតុលាការដំបូងនៅថ្ងៃច័ន្ទ ទី ៣០ ខែធ្នូខាងមុខពោលគឺ១ថ្ងៃមុនពេលអ្វីៗត្រូវដឹងច្បាស់។ដូច្នេះសរុបមកវិញប្រសិនក្រុមលោក Hansi Flick មិនអាចចុះឈ្មោះOlmo បានទេកីឡាករដែលមានតម្លៃខ្លួន ៥១,៥ លានផោន ស្មើនិង(៦៤,៧ លានដុល្លារ/៦២ លានអឺរ៉ូ) និងត្រៀមចាកចេញទៅក្លឹបថ្មីដោយគ្មានតម្លៃខ្លួន(Free Transfer)។ សម្រាប់Olmo បង្ហាញខ្លួន១៥លើកស៊ុតបញ្ចូលទីបាន៦គ្រាប់។
ប្រភព:Goal
Video:
