ទម្រង់លេងក្រៅដីរបស់ Plymouth Argyle កាន់តែពិបាកទទួលយកក្រោមការដឹកនាំរបស់គ្រូបង្វឹកដែលជាវីរបុរសក្រុមបិសាចក្រហម Man.Utdលោក Wayne Rooney បានកើតមានឡើងសាជាថ្មីនៅពេលដែលពួកគេបានបរាជ័យក្នុងលទ្ធផល ៤ទល់និង០ ក្រោមថ្វីជើងម្ចាស់ផ្ទះ Coventry កាលពីថ្ងៃព្រហស្បតិ៍ក្នុងការប្រកួតក្របខណ្ឌ Championship (លីកលំដាប់ទីពីរអង់គ្លេស) ។ លទ្ធផលបរាជ័យនៅសប្តាហ៍ទី២២នេះបានបន្តអោយក្រុម Plymouth ស្ថិតនៅបាតតារាងខណៈវាជាបរាជ័យលើកទី១២សម្រាប់ក្រុមពួកគេនៅរដូវកាលនេះ។ កន្លងមក Plymouth ក៏ធ្លាប់ចាញ់គូបដិបក្សពេលលេងក្រៅទឹកដីដូចជា Bristol City ៤ទល់និង០កាលពីខែវិច្ឆិកា និង Norwich City ៦ទល់និង១ និង ចាញ់Cardiff City ៥ទល់និង០កាលពីខែតុលា២០២៤កន្លងទៅនេះ។ គួររំលឹកផងដែរថា Wayne Rooney ធ្លាប់ត្រូវបានក្លឹប Birmingham City បណ្តេញចេញកាលពីខែមករាដើមឆ្នាំនេះក្រោយដឹកនាំក្រុមមានចំណាត់ថ្នាក់ទី៦អោយធ្លាក់ទៅបាតតារាង ខណៈបច្ចុប្បន្នពួកគេលេងនៅក្របខណ្ឌ League-១ (លីកទី៣អង់គ្លេស) ក្រោយពី Rooney ដឹកនាំពួកគេ១១ប្រកួតចាញ់៩លើក។
ក្រោយបញ្ចប់ការប្រកួតនេះគ្រូបង្វឹកនិងជាវីរបុរសក្រុមតោខៀវ Chelsea លោកFrank Lampard នៅតែជូនពរអតីតមិត្តរួមក្រុមជម្រើសជាតិអង់គ្លេស Rooney អោយបន្តក្តីសង្ឃឹមដឹកនាំក្រុមងើបចេញពីតំបន់កាត់ចោល ចំណែកក្រុមរបស់លោក បានឡើងមកឈរនៅលេខរៀងទី១៥ ក្នុងតារាង Championship ដោយមានគម្លាត៨ពិន្ទុពីតំបន់កាត់ចោល។
Lampard ត្រូវបានដកស្រង់សម្តីដោយ talkSPORT ថា : ខ្ញុំដឹងពីបញ្ហាប្រឈមនៃការងារនីមួយៗ ហើយអ្នកដឹងតែនៅពេលដែលអ្នកនៅក្នុងស្ថានភាពបែបនោះ។Rooney ធ្លាប់ឆ្លងកាត់អាជីពជាកីឡាករ មុនពេលក្លាយជាគ្រូបង្វឹក។ ទោះបីជាជួបបញ្ហាប្រឈមសម្រាប់គាត់នៅទីនោះ ខ្ញុំនៅតែជូនពរ Wayne ឱ្យគាត់បានល្អប្រសើរឡើងវិញព្រោះខ្ញុំសង្ឃឹមថានឹងឃើញគាត់ធ្វើបានល្អព្រោះគាត់ជាអ្នកចាត់ការវ័យក្មេងម្នាក់ដែលត្រូវការស្វែងយល់បន្ថែមទៀត។
ប្រភព:GOAL
វីដេអូ:
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
