ក្លិបដែលមានមូលដ្ឋាននៅភាគខាងត្បូងឆ្នេរសមុទ្រចក្រភពអង់គ្លេសនិងបច្ចុប្បន្នឈរនៅបាតតារាងក្របខណ្ឌ Premier League គឺ Southampton កាលពីថ្ងៃសៅរ៍បានតែងតាំងលោក Ivan Juric ជាគ្រូបង្វឹកថ្មីរបស់ពួកគេក្នុងកិច្ចសន្យារយៈពេល ១៨ ខែ។ អតីតគ្រូបង្វឹកក្រុម Roma និង Torino បានចូលមកជំនួសតំណែងលោក Russell Martin ដែលត្រូវបានបណ្តេញចេញ ខណៈបច្ចុប្បន្នក្រុមមានគម្លាតប្រាំបួនពិន្ទុពីចំនុចសុវត្ថិភាពមុនការប្រកួតរបស់ពួកគេជាមួយ Fulham នៅថ្ងៃអាទិត្យនេះ។គួររំលឹកថាអតីតគ្រូបង្វឹកសញ្ជាតិអង់គ្លេសលោក Martin ត្រូវបានបណ្តេញចេញបន្ទាប់ពីចាញ់ក្រុម Tottenham ក្នុងផ្ទះយ៉ាងអាម៉ាស់ក្នុងលទ្ធផល ៥-0 កាលពីចុងសប្តាហ៍មុន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
បុរសសញ្ជាតិក្រូអាតដែលត្រូវក្លឹប Roma បណ្តេញចេញកាលពីថ្ងៃទី១០ដើមខែធ្នូនេះបច្ចុប្បន្នមានវ័យ៤៩ឆ្នាំនេះបានលើកឡើងថាៈខ្ញុំពិតជារីករាយណាស់។ ខ្ញុំគិតថាវាជាការប្រជែងដ៏ធំមួយ ប៉ុន្តែខ្ញុំមានសុទិដ្ឋិនិយមខ្លាំងណាស់ ព្រោះខ្ញុំបានឃើញក្រុមដែលអាចធ្វើបានល្អជាងនេះ។វាមានសារៈសំខាន់ណាស់ក្នុងការទាក់ទងជាមួយអ្នកគាំទ្រភ្លាមៗ។ ខ្ញុំចង់បានក្រុមដែលមានការប្រកួតប្រជែង ហើយខ្ញុំគិតថាអ្នកគាំទ្រ Southampton នឹងចូលចិត្ត ។
ប្រភព:Besoccer
ក្រុមបិសាចក្រហម Manchester United បានទទួលរងបរាជ័យក្រោមថ្វីជើងក្រុម Nottingham Forest ក្នុងកីឡដ្ឋាន City Ground ដោយលទ្ធផល ១-0 ក្នុងក្របខណ្ឌ Premier League ។ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតកិឡាកររបស់ក្រុម Manchester United គឺ Anthony Elanga ជាម្ចាស់គ្រាប់បាល់ដែលកើតឡើងតាំងពីដើមការប្រកួត ដែលនេះជាជ័យជម្នះរបស់ក្រុម Nottingham ជាលើកទី២ហើយនៅក្នុងរដូវកាលនេះទល់នឹងក្រុម Man utd នៅក្នុងក្របខណ្ឌ Premier League។ ទោះបីជាក្រុម Man Utd ជាក្រុមដែលមានប្រៀមជាងដោយការទាត់បាល់ចំគោលដៅសរុប ២៤លើកឯណៅះ ដែលនេះបានធ្វើឲ្យពួកគេក្លាយជាក្រុមដំបូងគេដែលទាត់ទៅលើគូប្រកួតក្រៅផ្ទះច្រើនជាងគេ ហើយមិនអាចរកគ្រាប់បាល់ បើគិតចាប់តាំងពីឆ្នាំ ២០០៤មក៕
