កីឡាករ Nathan Tella រកបានគ្រាប់បាល់ជ័យជំនះតែ១គ្រាប់គត់នៅនាទីទី៦៩ ក្រោយពីក្រុម ម្ចាស់ជើងឯកអាល្លឺម៉ង់ Bayer Leverkusen មានឱកាសច្រើនដោយសារតែក្រុមម្ចាស់ផ្ទះ Bayern Munich នៅសល់កីឡាករតែ១០នាក់ពោលគឺបន្ទាប់ពី អ្នកចាំទីជើងចាស់ Manuel Neuer ត្រូវអាជ្ញាកណ្តាលបណ្តេញចេញនៅនាទីទី១៧ នៃតង់ទី១ពេលរត់ចញទៅព្យាយាមសង្គ្រោះបាល់ដោយប៉ះទង្គិចជាមួយខ្សែការពារស្លាបឆ្វេង Jeremie Frimpong ។ជ័យជំនះនេះបានជួយអោយក្រុមលោក Xabi Alonso កក់កៅអីរបស់ពួកគេក្នុងវគ្គ ១/៤ ផ្តាច់ព្រ័ត្រ បន្ទាប់ពីបានផ្តួលគូប្រជែង Bayern Munich ត្រឹមលទ្ធផល១ទល់និង០កាលពីយប់ថ្ងៃអង្គារ ។

គួររំលឹកថា អតីតខ្សែបម្រើ-ប្រយុទ្ធស្លាបស្តាំដើមកំណើតអង់គ្លេសតែមានសញ្ជាតិដើ់មនីហ្សេរីយ៉ាធ្លាប់លេងអោយក្លឹប Burnley និង Southampton ប៉ុន្តែTella បានផ្លាស់ទៅលេងនៅលីកកំពូលអាឡឺម៉ង់គឺ Leverkusen។

សម្រាប់ក្រុម Bayern Munich មិនមានកីឡាករឆ្នើម Harry Kane ខណៈកាពីតែនក្រុមជម្រើសជាតិអង់គ្លេសមានបញ្ហារបួសសរសៃពួរកំលុងពេលប្រកួត Bundesliga ទល់និង Dortmundមកម្លេះ។Xabi Alonso នៅតែមិនទាន់ចាញ់ការប្រកួតនៅ German Cup ក្រោយកាន់តួនាទីក្រុម Leverkusen និងបានដឹកនាំក្រុមឈ្នះការប្រកួតជាប់ៗគ្នា ៨ លើក ខណៈម្ចាស់ជើងឯក ២០ សម័យ Bayern Munich ខកខានឈ្នះពានរង្វាន់នេះចាប់តាំងពីឆ្នាំ ២០២០មក ។

ប្រភព:BBC
Video: