គ្រូបង្វឹកឆ្នើមរបស់ក្លឹប Manchester City លោក Pep Guardiola បានឈានដល់កិច្ចព្រមព្រៀងជាមួយនឹងក្លឹបក្នុងការបន្តកុងត្រាថ្មីនៅទឹកដី Etihad Stadium ។ មានពាក្យចរចាមរាមជាខ្លាំងជុំវិញអនាគតរបស់បុរសវ័យ៥៣ឆ្នាំរូបនេះនៅទឹកដី Manchester ខណៈកុងត្រារបស់គេនឹងផុតសុពលភាពនៅឆ្នាំ២០២៥ ។ បច្ចុប្បន្នយោងទៅតាមការចុះផ្សាយដោយ The Athletic បានចុះផ្សាយថា លោក Guardiola បានយល់ព្រមក្នុងការចុះកុងត្រាកិច្ចព្រមព្រៀងរយៈពេល១ឆ្នាំបន្ថែមទៀត ។ របាយការណ៍ខាងលើបន្តថា ការប្រកាសជាផ្លូវការណ៍នឹងធ្វើឡើងឆាប់ៗនេះ ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ហើយបើយោងតាមអ្នកសារព័ត៌មានដ៏ល្បីលោក Fabrizio Romano បានបញ្ជាក់ថា Man City តែងតែមានទំនុកចិត្តក្នុងការរក្សាលោក Pep ដោយពួកគេនៅមិនទាន់រកឃើញបេក្ខភាពឈានមុខក្នុងការមកជំនួសបុរសសញ្ជាតិអេស្ប៉ាញនេះនៅឡើយ៕