Lionel Messi បានបង្ហាញសមត្ថភាពដ៏ល្អបំផុតក្នុងនាមជាម្ចាស់ផ្ទះ ខណៈខ្សែប្រយុទ្ធស្លាប វ័យ ៣៧ឆ្នាំបានស៊ុតបញ្ចូលទី Hat-Trick ៣គ្រាប់និង Assist២ គ្រាប់(ជាលើកទី១០ សម្រាប់ការធ្វើបាន Hat-trick អោយជម្រើសជាតិ) ខណៈអាហ្សង់ទីនបានយកឈ្នះបូលីវីជាភ្ញៀវដោយលទ្ធផលសរុប ៦-០ នៅក្នុងការប្រកួតនៅទឹកដី Estadio Mas Monumental កាលពីព្រឹកថ្ងៃពុធនេះ ។ ម្ចាស់ជ័យលាភី Ballon d’Or ប្រាំបីសម័យរូបនេះ បានបង្ហា្ញទម្រង់លេងដ៏អស្ចារ្យជាថ្មីម្តងទៀត សម្រាប់ព្រឹត្តការណ៏ប្រកួតជម្រុះតំបន់អាមេរិកឡាទីនCONMEBOL World Cup ២០២៦ ខណៈសមត្ថភាពទាំងនោះសបញ្ជាក់ថា Messi ពិតជាធ្វើអោយ មនុស្សជាច្រើនជុំវិញពិភពលោកចាត់ទុកគាត់ GOAT ពិតប្រាកដមែន។
ជ័យជំនះនេះបាននាំអោយ អាហ្សង់ទីនក្រោមការដឹកនាំរបស់គ្រូបង្វឹកលោក Lionel Scaloni បន្តឈរនៅលេខរៀងទី ១ មាន២២ពិន្ទុ ក្រោយចូលលេងបាន ១០ប្រកួត។ បច្ចុប្បន្ន Messi រកបានគ្រាប់បាល់សរុប១១២គ្រាប់តិចជាង Cristiano Ronaldo (២១គ្រាប់)ដែលរកបាន១៣៣គ្រាប់សម្រាប់ជម្រើសជាតិ ។ ទោះយ៉ាងណា Messi ក៏បន្តតាមពីក្រោយ Ronaldo ដោយរកបានគ្រាប់បាល់សរុប ៨៤៧ ខណៈ Ronaldo រកបាន ៩០៦គ្រាប់។
ប្រភព:GOAL័&Bolavip
វីដេអូ:
