(អង់គ្លេស)៖ យោងតាមសារព័ត៌មានកីឡា BBC បានចុះផ្សាយនាថ្ងៃនេះថា អតីតគ្រូបង្វឹកតោខៀវ Chelsea និង Bayern Munich លោក Thomas Tuchel បានយល់ព្រមទទួលការងារជាអ្នកចាត់ការទូទៅក្រុមតោកំណាចអង់គ្លេសហើយ ខណៈរូបគាត់់នឹងក្លាយជាគ្រូបង្វឹកអចិន្ត្រៃយ៍ ដែលមិនមែនជនជាតិអង់គ្លេសទី៣ របស់អង់គ្លេស បន្ទាប់ពីលោក Sven-Goran Eriksson និង Fabio Capello ។
គួរជម្រាបដែរថា លោក Gareth Southgate បានលាលែងពីតំណែង បន្ទាប់ពីការបរាជ័យចុងក្រោយនៃការប្រកួត Euro ២០២៤ ទល់នឹងក្រុមគោជល់អេស្ប៉ាញ។ លោក Tuchel ស៊ាំជាមួយនឹងបាល់ទាត់អង់គ្លេស ដោយគាត់ធ្លាប់បានដឹកនាំ Chelsea នៅចន្លោះខែមករា ឆ្នាំ២០២១ និងខែកញ្ញា ឆ្នាំ២០២២ ។ បុរសវ័យ ៥១ឆ្នាំ បានលើកពាន UCL , Fifa Club World Cup និង UEFA Super Cup ជាមួយក្រុមតោខៀវ មុនពេលគាត់ត្រូវបានបណ្តេញចេញ៕
ប្រភព៖ BBC
(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano ថាម្ចាស់ជើងឯក UCL ១៤សម័យ Real Madrid គឺកំពុងតាមដានយ៉ាងដិតដល់ពីការចង់បាន Alexander-Arnold ដែលនឹងធ្វើឱ្យរូបគេក្លាយជាគោលដៅកំពូល។ មិនតែប៉ុណ្ណេាះ កាលពីថ្ងៃព្រហស្បតិ៍ម្សិលមិញ កាសែតអេស្ប៉ាញ MARCA បានចុះផ្សាយព័ត៌មានទាក់ទងនឹង Arnold ដាក់នៅទំព័រមុខតែម្តង។អត្ថបទកំពុងចាប់អារម្មណ៍៖ Ronaldinho ថា «Messi មិនមែនជា Goat» ប៉ុន្តែគឺជាវីរបុរស ៣ រូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យោងតាម Sport Witness បានអះអាងថា រូបគេ [Arnold] នឹងមិនបន្តការស្នាក់នៅជាមួយហង្សក្រហម Liverpool ទៀតនោះឡើយ ខណៈដែលកិច្ចសន្យានឹងផុតកំណត់នៅចុងរដូវកាលនេះ។ គួរជម្រាបដែរថា ការចង់បានខ្សែការពារស្លាបដ៏ឆ្នើមវ័យ ២៦ឆ្នាំ កាន់តែខ្លាំងនោះ ក៏ព្រោះតែ Dani Carvajal ជួបបញ្ហារងបួសសសៃពួរ ACL រយៈពេលវែងក្នុងការជាសះស្បើយឡើងវិញ៕ ប្រភព៖ SPORTbible
