(អាល្លឺម៉ង់)៖ យោងតាមសារព័ត៌មាន ​​Bild បានឲ្យដឹងថា គ្រូបង្វឹកក្លឹប Stuttgart លេងនៅលីគ Bundesliga លោក Sebastian Hoeness “បានបដិសេធ” នូវឱកាសក្លាយជាអ្នកចាត់ការក្លឹបបិសាចក្រហម Manchester United ដើម្បីជំនួសតំណែងលោក Erik ten Hag នៅរដូវក្តៅខាងមុខ។

ជាមួយគ្នានោះ ក្លឹបបានទាក់ទងជាមួយបុរសវ័យ ៤២ឆ្នាំ បើទោះបីត្រូវបានបដិសេធភ្លាមៗ ខណៈដែលគាត់ចង់បន្តនៅ Stuttgart ដើម្បីកសាងទម្រង់ឱ្យកាន់តែជោគជ័យ។ Stuttgart បានបញ្ចប់ក្នុងចំណាត់ថ្នាក់លេខ២ នៅ Bundesliga តាមពីក្រោយក្រុមជើងឯក Bayer Leverkusen កាលពីរដូវកាលមុន។

គួរជម្រាបដែរថា Hoeness បានចុះកិច្ចសន្យាបន្តជាមួយ Stuttgart រហូតដល់ឆ្នាំ ២០២៧៕

ប្រភព៖ SportsMole & The Metro