អ្នកចាត់ការទូទៅក្រុមអ្នកមានបុណ្យBarcelona លោក Hansi Flick បានលើកឡើងពីហេតុផលនៃការផ្លាស់ប្តូរកីឡាករ Lamine Yamal នៅនាទីទី ៦៧ ខណៈដែលពួកគេបានផ្តួល Alaves ដោយលទ្ធផល ៣ទល់និង០ កាលពីថ្ងៃអាទិត្យ នៅក្របខណ្ឌ La Liga ខណៈខ្សែប្រយុទ្ធអន្តរជាតិប៉ូឡូញ Robert Lewandowski ធ្វើបាន Hat-trick ៣គ្រាប់ ។ទោះយ៉ាងណាការសម្រេចចិត្តរបស់អ្នកចាត់ការសញ្ជាតិអាឡឺម៉ង់ រូបនេះ ត្រូវបានមើលឃើញថារូបលោកចង់ផ្តល់ ពេលវេលាឱ្យកីឡាករវ័យក្មេងរូបនេះបានសម្រាកមុនការប្រកួតអោយក្រុមជម្រើសជាតិអន្តរជាតិដ៏មមាញឹកមានព្រឹត្តការណ៍Uefa Nation League និង ការប្រកួតជម្រុះWorld Cup ២០២៦នៅតំបន់អាមេរិកឡាទីនជាដើម។

វីរបុរសវ័យក្មេងរបស់ក្រុមគោលជល់អេស្បាញ Yamal ត្រូវបានរំពឹងថានឹងត្រៀមចូលលេងសម្រាប់ករប្រកួតទាំងពីរពេលអេស្បាញជួបដាណឺម៉ាក នៅថ្ងៃអាទិត្យ មុនពេលប្រកួតជើងទី២នៅទឹកដីដាណឺម៉ាកវិញនាថ្ងៃពុធ។មិនត្រឹមតែគ្រូបង្វឹកនោះទេ បុគ្គលិកបច្ចេកទេសរបស់ក្លឹប Barcelona ក៍កំពុងធ្វើការតាមដានយ៉ាងយកចិត្តទុកសម្រាប់បន្ទុកកីឡាករវ័យ ១៧ឆ្នាំរូបនេះត្រៀមរ៉ាប់រង និងបានប៉ានប្រមាណពីភារកិច្ចទាំងនោះដើម្បីបង្ការរូបគេមានកំលាំងនិងថាមពលចូលលេងគ្រប់គ្រាន់ដម្បី ជៀសវាងការអស់កម្លាំង និងប្រឈមបញ្ហារបួសជាយថាហេតុ។

ទោះយ៉ាងណាការសម្រេចចិត្តនេះក៍មានការថ្នាំងថ្នាក់ខ្លះផងដែរពីសាម៉ីខ្លួនបើទោះបីជារូបគេបាន ព្យាយាមបញ្ចុះបញ្ចូល និង ប្រាប់ពីមូលហេតុដល់កីឡាកររូបនេះក៍ព្រោះតែរូបគេទទូច ចង់លេងអោយបាន ៩០ នាទី ខណៈរដូវកាលចាស់ Yamal បានព្យាយាមសម្របខ្លួន និង ចូលលេងទាំងពីរតង់ ខណៈរដូវកាលថ្មីនេះ សមាជិកជ័យលាភី Euro ២០២៤បានបង្ហាញពីសមត្ថភាពថារូបគេកាន់តែរឹងមាំ និងស៊ាំទៅនឹងលីកកំពូល La Liga ។
ប្រភព:Tribuna