(បរទេស)៖ យោងតាមប្រភពពី Reuters បានឲ្យដឹងថា អតីតខ្សែប្រយុទ្ធឆ្នើម Luis Suarez បានបង្ហាញការរិះគន់ទៅកាន់លោក Marcelo Bielsa ចំពោះទម្រង់បង្វឹករបស់លោក ទើបធ្វើឱ្យមានកីឡាករមួយចំនួនធំពិចារណាចង់លាឈប់ពីក្រុមជម្រើសជាតិអ៊ុយរូហ្គាយ។ Luis Suarez ជាអតីតកីឡាកររកបានគ្រាប់បាល់ច្រើនជាងគេសម្រាប់ជម្រើសជាតិអ៊ុយរូហ្គាយ ប្រមាណជា ៦៩គ្រាប់ បានសម្រេចព្យួរស្បែកជើងកាលពីខែកញ្ញា ឆ្នាំ២០២៤ កន្លងទៅ បាននិយាយយ៉ាងដូច្នេះថា៖
«របៀបលេង ឬកលល្បិច និងការផ្លាស់ប្តូរក្នុងក្រុមរបស់លោក Bielsa គិតចាប់តាំងពីបានចូលកាន់តំណែងកាលពីឆ្នាំមុន បានបង្កឱ្យមានការប្រេះឆានៅក្នុងក្រុមយ៉ាងខ្លាំង»។
គួរជម្រាបផងដែរថា លោក Marcelo Bielsa បានចូលកាន់តំណែងដឹកនាំក្រុមអ៊ុយរូហ្គាយ កាលខែឧសភា ឆ្នាំ២០២៣ ក្នុងនោះរកបានលទ្ធផលឈ្នះតែ ១០ប្រកួតក្នុងចំណោម ២០ប្រកួត ហើយការលេងវគ្គជម្រុះ World Cup ឆ្នាំ ២០២៦ ចំនួន ២ប្រកួត ចុងក្រោយរកបានត្រឹមតែលទ្ធផលស្មើ ដោយគ្មានគ្រាប់ស៊ុតនោះឡើយ នឹងបានលេខ៣ នៅពាន Copa America ឆ្នាំ២០២៤ ៕
ប្រភព៖ Reuters
FIFA បន្តដាក់បម្រាមប្រទេស៣ពីការចូលរួមក្នុងការប្រកួតបាល់ទាត់ពិភពលោកដោយសារតែការជ្រៀតជ្រែកផ្នែកនយោបាយ និងសិទ្ធិមនុស្ស។អត្ថបទកំពុងចាប់អារម្មណ៍៖ ៣ប្រទេសនៅតែជាប់បម្រាមមិនអាចចូលលេង World CUP 2026 សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រទេសរុស្ស៊ីនៅតែត្រូវបានផ្អាកបន្ទាប់ពីការលុកលុយឆ្នាំ 2022 របស់ខ្លួននៅអ៊ុយក្រែន។ ប្រទេសកេនយ៉ា និងហ្ស៊ីមបាវេត្រូវបានហាមឃាត់ដោយផ្អែកលើការជ្រៀតជ្រែករបស់រដ្ឋាភិបាលនៅក្នុងសហព័ន្ធបាល់ទាត់របស់ពួកគេ។ គួរបញ្ជាក់ថា នៅអាហ្វ្រិកខាងត្បូងត្រូវបានជាប់កាលពីមុនក្នុងអំឡុងពេល Apartheid ប៉ុន្តែក្រោយមកបានចូលធ្វើការវិញក្នុងឆ្នាំ 1992 ៕
