(ប្រទេសក្រិក)៖ អតីតខ្សែប្រយុទ្ធពាក់អាវលេខ៩ ក្រុមបិសាចក្រហម Manchester United គឺកីឡាករ Anthony Martial បានចុះហត្ថលេខាជាមួយក្លឹបក្នុងប្រទេសក្រិក AEK Athens ក្នុងកិច្ចសន្យាកុងត្រារយៈពេល ៣ឆ្នាំ នេះបើយោងតាមសារព័ត៌មានកីឡា BBC បានចេញផ្សាយក្នុងថ្ងៃសុក្រនេះ។
រំលឹកដែរថា Martial មានវ័យ ២៨ឆ្នាំ រូបគេបានចាកចេញពីកីឡដ្ឋាន Old Trafford បន្ទាប់ពីរួមរស់រយៈពេល ៩ឆ្នាំនៅក្លឹប បន្ទាប់ពីការផុតកិច្ចសន្យានារដូវក្តៅនេះ។ កីឡាករសញ្ជាតិបារាំង បានបង្ហាញខ្លួន ៣១៧ប្រកួត ឱ្យក្លឹប Man Utd ដោយស៊ុតបញ្ចូលទីបាន ៩០គ្រាប់ បន្ទាប់ពីផ្ទេរពីក្រុម Monaco ក្នុងឆ្នាំ២០១៥ លើតម្លៃ ៣៦លានផោន។
គួរជម្រាបដែរថា AEK Athens គឺជាក្រុមកំពូលនៃក្របខណ្ឌក្រិច Super League បន្ទាប់ពីឈ្នះបីប្រកួតក្នុងការប្រកួតបើកឆាកចំនួន ៤ដង របស់ពួកគេ ដោយបានបញ្ចប់ចំណាត់ថ្នាក់រងកាលពីរដូវកាលមុន៕
ប្រភព៖ BBC
លោក Erik ten Hag អ្នកចាត់ការទូទៅរបស់ក្រុមបិសាចក្រហម Man. United បានបញ្ជាក់ថាកីឡាកររងរបួសពីររូបគឺខ្សែបម្រើ Mason Mount និង Rasmus Hojlund បានត្រលប់មកកាន់ទីលានCarrington វិញហើយ មុនពេលរូបលោកនិងធ្វើការសម្រេចចិត្តថានិងដាក់អោយពូកគេចូលលេងនៅចុងសប្តាហ៍ឬយ៉ាងណា។គួររំលឹកថាក្រុមនៅក្របខណ្ឌPremier League ត្រៀមធ្វើដំណើរទៅសួរសុខទុក្ខក្រុម Crystal Palace នាកីឡដ្ឋាន Selhurst Park វេលាម៉ោង ១១និង៣០យប់ថ្ងៃសៅរ៏ខណៈMan.Utd បានបញ្ចប់ភាពរាំងស្ងួតដោយចាញ់២លើកចុងក្រោយជាប់គ្នា បន្ទាប់ពីផ្តួលម្ចាស់ផ្ទះ Southampton ៣ទល់និង០ មុនពេលផ្តួលក្រុមលីកលំដាប់ទីបី Barnsley ៧-០ ក្នុងការប្រកួត Carabao Cup ជុំទី៣កន្លងមក។អត្ថបទកំពុងចាប់អារម្មណ៍៖ លោក Ten Hag បង្ហើបប្រាប់កីឡាករ ២ រូបត្រលប់ពីរបួសមកហ្វឹកហាត់ត្រៀមជួយក្រុម សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អ្នកចាត់ការសញ្ចាតិហូឡង់បានប្រាប់អ្នកយកព័ត៌មានថាៈ វាជាដំណឹងល្អណាស់ដែលពួកគេត្រលប់មកកាន់ទីលានប្រកួតវិញ។ ពួកគេត្រលប់មកហ្វឹកហាត់ជាក្រុមវិញហើយ យើងត្រូវសម្រេចចិត្តថាតើពួកគេមានកាយសម្បទាគ្រប់គ្រាន់ឬអត់ដើម្បីចាប់ផ្តើម [នៅថ្ងៃសៅរ៍] ប៉ុន្តែវាពិតជាគួរឱ្យរីករាយណាស់ដែលពួកគេមានកាយសម្បទា និងត្រលប់មកក្រុមវិញ។ […]