(ប្រេស៊ីល)៖ យោងតាមការចេញផ្សាយដោយគេហទំព័រកីឡា BBC នៅថ្ងៃនេះបានឲ្យដឹងថា ខ្សែប្រយុទ្ធ Memphis Depay បានព្រមព្រៀងចុះកិច្ចសន្យារយៈពេល ២ឆ្នាំ ជាមួយក្លឹប Corinthians លេងនៅលីគកំពូលរបស់ប្រទេសប្រេស៊ីល បន្ទាប់ពីចប់កិច្ចសន្យាជាមួយក្លឹប Atletico Madrid រួចមក។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
កីឡាករវ័យ ៣០ឆ្នាំរូបនេះ នឹងលេងជាមួយក្លិបថ្មី Corinthians រហូតដល់ខែធ្នូ ឆ្នាំ២០២៦ ក្រោយពេលចាកចេញពី Atletico ដោយគ្មានតម្លៃខ្លួនកាលពីខែកក្កដា ឆ្នាំ២០២៤ ជាទីដែល Depay ស៊ុតបាន ៩គ្រាប់ផងដែរ ពីការចូលលេង ៣១ប្រកួត។ សមាជិកហូឡង់ ដែលបង្ហាញខ្លួននៅ Euro ២០២៤ មិនបានជាប់ក្នុងជម្រើសរបស់គ្រូបង្វឹកលោក Ronald Koeman ដើម្បីលេងពាន UEFA Nations League នាខែកញ្ញានេះទេ ស្របពេលគ្រូបង្វឹកក្រុមទឹកក្រូចបានលើកឡើងថា ការផ្ទេរទៅលេងនៅប្រេស៊ីល វាពុំមែនជាទីបញ្ចប់ក្នុងក្រុមជម្រើសជាតិរបស់ Depay ឡើយ។
កន្លងមក Depay ដែលចូលលេងឱ្យជម្រើសជាតិហូឡង់ដំបូងគិតចាប់តាំងពីឆ្នាំ២០១៣ រូបគេស៊ុតបាន ៤៦គ្រាប់ ពីការចូលលេងសរុបដល់ ៩៨ប្រកួត ក្នុងនាមជាកីឡាករដែលផ្តើមអាជីពបាល់ទាត់ក្នុងក្លិប PSV Eindhoven នាអំឡុងឆ្នាំ២០១១៕
ប្រភព៖ BBC
ក្រុមបិសាចក្រហម Manchester United បានទទួលរងបរាជ័យក្រោមថ្វីជើងក្រុម Nottingham Forest ក្នុងកីឡដ្ឋាន City Ground ដោយលទ្ធផល ១-0 ក្នុងក្របខណ្ឌ Premier League ។ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតកិឡាកររបស់ក្រុម Manchester United គឺ Anthony Elanga ជាម្ចាស់គ្រាប់បាល់ដែលកើតឡើងតាំងពីដើមការប្រកួត ដែលនេះជាជ័យជម្នះរបស់ក្រុម Nottingham ជាលើកទី២ហើយនៅក្នុងរដូវកាលនេះទល់នឹងក្រុម Man utd នៅក្នុងក្របខណ្ឌ Premier League។ ទោះបីជាក្រុម Man Utd ជាក្រុមដែលមានប្រៀមជាងដោយការទាត់បាល់ចំគោលដៅសរុប ២៤លើកឯណៅះ ដែលនេះបានធ្វើឲ្យពួកគេក្លាយជាក្រុមដំបូងគេដែលទាត់ទៅលើគូប្រកួតក្រៅផ្ទះច្រើនជាងគេ ហើយមិនអាចរកគ្រាប់បាល់ បើគិតចាប់តាំងពីឆ្នាំ ២០០៤មក៕
