ក្លឹប Manchester United ត្រូវបានគេរាយការណ៍បានខិតជិតជាខ្លាំងក្នុងការចុះកុងត្រាលើខ្សែបម្រើឆ្នើមរបស់ក្លឹប Paris Saint Germain គឺកីឡាករ Manuel Ugarte ។ ខ្សែបម្រើសញ្ជាតិ អ៊ុយរូហ្គាយ រូបនេះបានចូលព្រមនូវលក្ខខណ្ឌផ្ទាល់ខ្លួនជាមួយនឹងក្លឹប Man United រួចហើយ ដោយបច្ចុប្បន្នគឺរង់ចាំតែកិច្ចព្រមព្រៀងរវាងភាគីក្លឹបទាំង២ប៉ុណ្ណោះ។ ទោះបីជាយ៉ាងណាមិញ ភាគីក្លឹបទាំង២កំពុងធ្វើការយ៉ាងសកម្មលើកិច្ចព្រមព្រៀងមួយនេះ ដើម្បីអាចឈានដល់កិច្ចព្រមព្រៀងណាមួយ ដោយក្លឹប PSG ត្រូវបានគេជឿជាក់ថា ទាមទារតម្លៃ ៥១លានផោន ស្មើនឹង ៦០លានអឺរ៉ូ ខណៈក្លឹប Man Utd មានការរំពឹងថា អាចបញ្ចប់កិច្ចព្រមព្រៀងមួយនេះត្រឹមតែតម្លៃ៤២លានផោនប៉ុណ្ណោះ។
លក្ខខណ្ឌសំខាន់មួយក្នុងចំណោមលក្ខខណ្ឌផ្សេងៗទៀត ត្រូវបានលើកមកចរចារគឺការខ្ចីជើង បូករួមលក្ខខណ្ឌទិញផ្តាច់ ដោយក្លឹប Man Utd អាចខ្ចីជើង Ugarte សម្រាប់រដូវកាលថ្មីនេះសិន មុននឹងពួកគេអាចចុះកុងត្រាជាផ្លូវការណ៍នៅឆ្នាំក្រោយ។ លក្ខខណ្ឌមួយនេះនឹងជួយដល់ក្លឹប United ក្នុងការរក្សាស្ថេរភាពហិរញ្ញវត្ថុរបស់ពួកគេបានល្អ និងអាចបញ្ចប់ការចុះកុងត្រាលើ Ugarte ដោយជោគជ័យ៕
បរទេសៈ Paul Pogba ខ្សែបម្រើវ័យ៣២ឆ្នាំ ទទួលបានសំណើរផ្ទេរទៅកាន់ក្លឹបនៅក្របខណ្ឌ UEFA Champions League គឺ AS Monaco ក្នុងការផ្ទេរដោយគ្មានតម្លៃខ្លួន ខណៈខ្សែបម្រើឆ្នើមរូបនេះកំពុងសម្លឹងមើលការចាប់ផ្តើបអាជីពរបស់ខ្លួនសារជាថ្មី ក្រោយការជាប់ពិន័យអស់រយៈពេល១៨ខែ ដោយសារតែការរកឃើញសារធាតុញៀន។អត្ថបទកំពុងចាប់អារម្មណ៍៖ ស្ងាត់ៗ Pogba ទទួលបានសំណើរពីក្លឹបមួយដែលមានកៅអីលេង UCL រដូវកាលក្រោយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Pogba ដែលគ្មានក្លឹបលេង តាំងតែពីក្លឹប. Juventus សម្រេចចិត្តផ្តាច់កិច្ចសន្យារបស់គេតាំងពីឆ្នំា២០២៤មកម្លេះ។ របាយការណ៍ថ្មីៗ នេះអះអាងថា បច្ចុប្បន្ន Pogba និងក្រុមការងារ កំពុងពិចារណាលើសំណើររបស់ក្លឹប AS Monaco ជាមួយនឹងក្លឹបកំពុងមានផែនការពង្រឹងតំបន់របស់ពួកគេដើម្បីត្រៀមប្រកួតក្នុងពានរង្វាន់ UEFA Champions League នារដូវកាលក្រោយ។ មុនក្លឹប AS Monaco គេក៏មើលឃើញ Marseille ដែរ តែត្រូវបានច្រានចោលវិញដោយសារតែការទាមទារប្រាក់ឈ្នួលរបស់ Pogba ច្រើនពេក៕
