(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់ឲ្យដឹងថា ក្លឹប West Ham United បានរៀបចំឯកសាររួចរាល់អស់ហើយ សម្រាប់ខ្សែការពារស្លាបស្តាំ Aaron Wan-Bissaka របស់ក្លឹបបិសាចក្រហម Manchester United ដើម្បីចុះហត្ថលេខាសម្រេចផ្លាស់ទៅរួមទ្រនំ ខណៈសាមីខ្លួនត្រៀមនឹងបញ្ចប់ពិនិត្យសុខភាពផ្នែកវេជ្ជសាស្រ្តនៅថ្ងៃនេះ។

គួរកត់សម្គាល់ថា Man United អនុញ្ញាតឲ្យ Wan-Bissaka ចាកចេញក្នុងតម្លៃផ្ទេរប្រមាណ ១៥លានផោន ខណៈក្លឹបនៅ Old Trafford ត្រៀមនឹងបញ្ចប់កិច្ចព្រមព្រៀងទិញយក ​Matthijs de Ligt និង Noussair Mazraoui របស់ក្លឹប Bayern Munich ផងដែរនោះ៕

ប្រភព៖ Fabrizio Romano