ប្រធានក្លឹប Lazio លោក Claudio Lotito បានបង្ហើបអំពីការដេញថ្លៃរបស់ខ្លួនលើខ្សែប្រយុទ្ធឆ្នើមរបស់ក្លឹប Manchester united កីឡាករ Mason Greenwood ដោយបានធ្វើការដេញថ្លៃតម្លៃ២៥លានអឺរ៉ូ បូករួមជាមួយនឹងប្រាក់រង្វាន់ផ្សេងៗ និងលក្ខខណ្ឌ ៥០% នៃតម្លៃលក់នៅថ្ងៃអនាគត។ Man United ហាក់បីមិនចាប់អារម្មណ៍ក្នុងរក្សាទុក Greenwood ឡើយ បើទោះបីជា រឿងក្តីរបស់គេត្រូវបានទម្លាក់ចុះក្តី ដោយពួកគេនឹងលក់ខ្សែប្រយុទ្ធអង់គ្លេសរូបនេះនៅរដូវក្តៅនេះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Greenwood បានបង្ហាញទម្រង់លេងដ៏អស្ចារ្យនៅក្លឹប Getafe ដោយបានទាត់បញ្ចូលទី៨គ្រាប់ និង បញ្ជូនបាល់ ៦លើ ឲ្យមិត្តរួមក្រុមបញ្ចប់ទី ក្នុងនាមជាកីឡាករខ្ចីជើង។ បច្ចុប្បន្នក្លឹប Marseille ហាក់បីនាំមុខគេក្នុងការប្រជែងយកខ្សែប្រយុទ្ធរូបនេះ ប៉ុន្តែការប្រកួតប្រជែងហាក់បីរាងពិបាកបន្តិចដោយមានក្លឹបធំៗ មួយចំនួនក៏ត្រៀមខ្លួនចូលការប្រជែងយក Greenwood ដូចគ្នា។ របាយការណ៍បានបញ្ជាក់ថា Juventus បានផ្តល់សំណើរនូវការលេងនៅ UEFA Champions League ដូចគ្នានឹង Napoli បើសិនជាគេអាចយក Victor Osimhen ខណៈបច្ចុប្បន្ន Man United ត្រូវធ្វើការសម្រេចចិត្តអំពីសំណើរដ៏ល្អបំផុត៕
