(អង់គ្លេស)៖ យោងតាមសារព័ត៌មាន CaughtOffside បានរាយការណ៍ឲ្យដឹងថា ក្លឹបហង្សក្រហម Liverpool “កំពុងដំណើរការ” ក្នុងការចរចាដើម្បីចុះហត្ថលេខាលើខ្សែការពារកណ្តាល Goncalo Inacio របស់ក្លឹប Sporting Lisbon ជាកីឡាករសម្រាប់ជំនួសតំបន់ការពាររយៈពេលវែងរបស់ប្រធានក្រុម Virgil van Dijk។
យ៉ាងណាមិញ នេះជាការត្រៀមផែនការទំនុកបម្រុង ប្រសិនបើ Van Dijk ចាកចេញពីកីឡដ្ឋាន Anfield ដោយគ្មានការគ្រោងទុក ដូច្នេះការចង់បានខ្សែការពារសញ្ជាតិព័រទុយហ្គាល់រូបនេះ គឺជាអ្វីដែល Liverpool ត្រូវធ្វើជាមុន បើទោះបីជាកីឡាករវ័យ ២២ឆ្នាំ ត្រូវបានក្លឹប Man Utd និង Arsenal កំពុងប្រជែងគ្នាចែចង់កន្លងមកក៏ដោយ។
គួរបញ្ជាក់ផងដែរថា Inacio មានលក្ខខណ្ឌដោះលែងប្រមាណ ៦០លានអឺរ៉ូ ខណៈតម្លៃនេះក្លឹប Sporting នឹងសម្របសម្រួលឲ្យកាន់សមរម្យសម្រាប់ការពិភាក្សាជាមួយ Liverpool៕
ប្រភព៖ SportsMole & Rousing The Kop
លោក Ruben Amorim បានធ្វើការចរចារបែបសម្ងាត់ជាមួយនឹងកីឡាករ Ousmane Diomande របស់ក្លឹប Sporting Lisbon ជុំវិញការផ្ទេរទៅកាន់ទឹកដី Old Trafford នេះបើតាមការចុះផ្សាយដោយ Sky Sport នៅក្នុងប្រទេសស្វីស។ របាយការណ៍ខាងលើបានបញ្ជាក់ថា Diomande បានដែលមានផែនការថានឹងផ្ទេរទៅកាន់ Man Utd ឡើយ ប៉ុន្តែវត្តមានរបស់អតីតគ្រូបង្វឹករបស់ខ្លួនរួបនេះអាចជាកម្លាំងចិត្តដ៏សំខាន់មួយដែលធ្វើឲ្យរូបគេពិចារណាផ្ទេរទៅកាន់ទីនោះ៕អត្ថបទកំពុងចាប់អារម្មណ៍៖ Petit: Arsenal កំពុងនាំយកកីឡាករធ្លាក់ទម្រង់លេងមករួមក្រុម សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
