ក្រុមតោកំណាច់អង់គ្លេសបានវាយបកយកឈ្នះ៣ប្រកួតជាប់ៗគ្នា ដោយបានយកឈ្នះលើហូឡង់ 2-1 យប់ថ្ងៃពុធម្សិលមិញនេះ ក្នុងវគ្គពាក់កណ្តាលផ្តាច់ព្រ័ត្រ។ Ollie Watkins បានស៊ុតបញ្ចូលទីនៅនាទីទី 90 ដើម្បីបញ្ជូនពួកគេទៅកាន់វគ្គផ្តាច់ព្រ័ត្រនៃការប្រកួតដ៏សំខាន់ជាលើកដំបូងរបស់ពួកគេនៅលើទឹកដីបរទេស។ ក្នុងវគ្គ 16 ក្រុមចុងក្រោយ ការទាត់ផ្កាប់ចានដ៏គួរឱ្យភ្ញាក់ផ្អើលរបស់ Jude Bellingham បានពន្យារឲ្យដល់ទៅម៉ោងបន្ថែម ដើម្បីជៀសវាងពីការចាកចេញមុនកាលកំណត់ជាមួយស្លូវ៉ាគី មុនពេល Harry Kane រកបានគ្រាប់បាល់ជ័យជម្នះ។ បន្ទាប់មក អង់គ្លេស ត្រូវការបាល់ប៉េណាល់ទី ដើម្បីទម្លាក់ ស្វីស នៅវគ្គ ៨ក្រុមចុងក្រោយ។

គ្រាប់បាល់របស់ Watkins បានជួយឱ្យក្រុមរបស់លោក Gareth Southgate ឡើងទៅកាន់វគ្គផ្តាច់ព្រ័ត្រជាលើកទីពីរជាប់ៗគ្នានៅ Euros បន្ទាប់ពីចាញ់ក្នុងការស៊ុតបាល់ប៉េណាល់ទីកាត់សេចក្តីឱ្យអ៊ីតាលីក្នុង Euro 2020។ គ្រាប់បាល់របស់ Watkins បានជួយឱ្យក្រុមរបស់លោក Gareth Southgate ឡើងទៅកាន់វគ្គផ្តាច់ព្រ័ត្រជាលើកទីពីរជាប់ៗគ្នានៅ Euros បន្ទាប់ពីចាញ់ក្នុងការស៊ុតបាល់ប៉េណាល់ទីកាត់សេចក្តីឱ្យអ៊ីតាលីក្នុង Euro 2020។

ក្រោយចប់ការប្រកួតយប់មិញព្រះអង្គមច្ចាស់ Charles បានចេញលិខិតអបអរសាទរដោយក្រុមជម្រើសជាតិអង់គ្លេសដោយមានឃ្លឹមសារថា «ខ្ញុំ និងភរិយា រួមជាមួយនឹងក្រុមគ្រួសាររបស់យើង សូមអបអរសាទរយ៉ាងកក់ក្តៅចំពោះអ្នកដែលបានឈានដល់វគ្គផ្តាច់ព្រ័ត្រនៃពានរង្វាន់ UEFA European Championship ។ យើងសូមជូនពរឱ្យការប្រកួតនៅថ្ងៃអាទិត្យទទួលបានជោគជ័យ។ ហើយមួយទៀត ប្រសិនបើអ្នកអាចឈ្នះការប្រកួតដោយមិនចាំបាច់មានគ្រាប់បាល់នៅនាទីចុងម៉ោង ឬក៏ការស៊ុតបាល់ប៉េណាល់ទី វានឹងកាត់បន្ថយភាពតានតឹងរបស់មនុស្សគ្រប់គ្នាបានយ៉ាងច្រើន!»៕