អត្ថបទ៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្រ្តីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានធ្វើការផ្ដាំផ្ញើដល់កីឡាករ-កីឡាការិនីដែលបានឈ្នះមេដាយពីព្រឹត្តិការណ៍កីឡាស៊ីហ្គេមលើកទី៣១ ដែលបានធ្វើឡើងនៅប្រទេសវៀតណាមកាលពីឆ្នាំ២០២២ កន្លងទៅថ្មីៗនេះថា មិនត្រូវភ្លេចខ្លួននោះឡើយ បើទោះខ្លួនមានសមត្ថភាពហើយក៏ដោយ។

ការផ្ដាំផ្ញើបែបនេះ គឺក្នុងឳកាសសម្ដេចពិជ័យសេនា ទៀ បាញ់ បានអញ្ជើញជាអធិបតីភាពក្នុង ពិធីប្រគល់ប្រាក់រង្វាន់លើកទឹកចិត្តរបស់សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាជូនគ្រូបង្វឹក គ្រូជំនួយ កីឡាករ -កីឡាការិនីដែលឈ្នះមេដាយមាស មេដាយ ប្រាក់ និង មេដាយសំរឹទ្ធពីព្រឹត្តិការណ៍កីឡាស៊ីហ្គេមលើកទី៣១ ដែលសម្ដេចពិជ័យសេនាបានតំណាងដ៏ខ្ពស់ខ្ពស់របស់សម្ដេចតេជោ ហ៊ុន សែន ប្រគល់ជូនកីឡាករ-កីឡាការិនីដោយផ្ទាល់នូវថវិកាសរុបចំនួន ៤១១,២០០ ដុល្លារ នៅព្រឹកថ្ងៃទី០១ ខែមេសា ឆ្នាំ២០២៣ នៅទីស្តីការក្រសួងការពារជាតិ។