(អង់គ្លេស)៖ ក្លឹប Bournemouth ត្រូវបានគេរាយការណ៍ថា កំពុងចាប់អារម្មណ៍ក្នុងការចុះហត្ថលេខាលើខ្សែការពារ Joel Matip របស់ក្លឹបហង្សក្រហម Liverpool ជាគោលដៅផ្ទេរដ៏មានសក្តានុពលនៅរដូវក្តៅនេះ បន្ទាប់ពីកីឡាករវ័យ ៣២ឆ្នាំ កំពុងស្វែងរកទ្រនំក្លឹបថ្មី នេះបើយោងតាមការចុះផ្សាយរបស់សារព័ត៌មាន Daily Express។

គួរកត់សម្គាល់ថា អតីតកីឡាករជម្រើសជាតិកាមេរូន ក្នុងពេលនេះកំពុងសម្លឹងរកមើលការវិលត្រលប់ចូលលេងពេញលេញវិញ ហើយក៏កំពុងស្វែងរកក្លឹបថ្មីនៅមុនរដូវកាល ២០២៤-២៥ មកដល់ផងដែរ។ យ៉ាងណាមិញក្លឹប Bournemouth កំពុងពិចារណាថាតើនឹងត្រូវចុះហត្ថលេខាលើ Matip ជាអ្នកជំនួសខ្សែការពារ Lloyd Kelly ដែលចាកចេញឬក៏យ៉ាងណា ខណៈដែលកិច្ចសន្យាកុងត្រារបស់ Matip ជាមួយ Liverpool នឹងផុតកំណត់នៅចុងខែក្រោយនេះ៕

ប្រភព៖ SportsMole