ក្រុមបិសាចក្រហមMan. United បានសម្រេចចិត្តបញ្ចប់តំណែងអ្នកចាត់ការទូទៅលោក Erik ten Hag នៅបន្ទាប់ពីការប្រកួតពានរង្វាន់ FA Cup នៅរាត្រីថ្ងៃសៅរ៍ជាមួយនឹងក្រុមមានមូលដ្ឋានរួមទីក្រុងគឺ Man. City បើទោះបីជាលទ្ធផលវិជ្ជមានរឺអវិជ្ជមានក្តីដោយយោងគេហទំព័រ The Guardian បានចុះផ្សាយ ។ការពិតតំណែងរបស់អ្នកចាត់ការសញ្ជាតិហូឡង់រូបនេះ គឺជាប្រធានបទដ៏រសើបពីអនាគតដឹកនាំនៅទឹកដី Old Trfford ពោលគឺចាប់តាំងពីមហាសេដ្ឋីជំនួញឧស្សាហកម្មគឺលោក Sir Jim Ratcliffe ជាម្ចាស់ក្រុមហ៊ុន INEOS បានទិញភាគហ៊ុនភាគច្រើននៅក្នុងក្លឹបកាលពីដើមរដូវកាលនេះនិង ទទួលសិទ្ធិគ្រប់គ្រងលើប្រតិបត្តិការបាល់ទាត់របស់ក្លឹប ហើយ កំពុងសម្លឹងរកអ្នកចាត់ការថ្មីមកជំនួសគ្រូបង្វឹក វ័យ៥៤ឆ្នាំរូបនេះ។
ទោះបីជាបានជួយក្រុមលើកពានCarabao Cup រដូវកាលដំបូង ប៉ុន្តែលោកTen Hag បានតស៊ូដ៏លំបាកនៅរដូវកាលទី ២ ខណៈក្រុមមិនមានកៅអីលេងនៅក្របខណ្ឌ UCL រដូវកាលក្រោយ និងធ្លាក់ចេញត្រឹមវគ្គចែកពូលហើយបញ្ចប់ក្នុងចំណាត់ថ្នាក់ទី៨ ដ៏ខកចិត្តនៅក្របខណ្ឌ Premier League ដែលជាកម្រិតទាបបំផុតគិតចាប់តាំងពីរដូវកាល ១៩៨៩-១៩៩០ ។ផ្ទុយទៅវិញលោក Ten Hag នៅមានក្តីសង្ឃឹមកសាងកេរ្ត៏ឈ្មោះចុងក្រោយសម្រាប់ការប្រកួតនៅវគ្គផ្តាច់ព្រ័ត្រ FA Cup នៅថ្ងៃសៅរ៍នាកីឡដ្ឋាន Wembley។គួររំលឹកថាក្លឹបMan.Utd ធ្លាប់ឈ្នះ FA Cup ជាលើកចុងក្រោយនៅឆ្នាំ២០១៦កំលុងពេលអតីតអ្នកចាត់ការសញ្ជាតិហូឡង់លោក Louis van Gaal ដឹកនាំរដូវកាល ២០១៥-២០១៦ ប៉ុន្តែរូបលោកត្រូវបានដកចេញពីតំណែងត្រឹមតែ ២៤ ម៉ោងប៉ុណ្ណោះបន្ទាប់ពី Man United ផ្តួល Crystal Palace ។
Ratcliffe បានតែងតាំងលោក Jason Wilcox ជានាយកបច្ចេកទេស និងលោក Omar Berrada ជានាយកប្រតិបត្តិថ្មី និងកំពុងជ្រើសរើសលោក Dan Ashworth ជានាយកកីឡាខណៈក្រុមប្រឹក្សាភិបាលដ៏សំខាន់របស់ក្លឹបបានសម្រាំងយកបេក្ខភាពគ្រូបង្វឹកបួនរូបមានដូចជា លោក Thomas Tuchel របស់ Bayern Munich និង Kieran McKenna របស់ Ipswich Town និង លោក Mauricio Pochettino អតីតគ្រូបង្វឹក Chelsea ព្រមទាំងចុងក្រោយគឺ Thomas Frank របស់ Brentford ។
ប្រភព:sportsmole
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
