(អង់គ្លេស)៖ ក្លឹបបិសាចក្រហម Manchester United កំពុងតែមានការប្រកួតប្រជែងគ្នាជាមួយក្លឹប Newcastle United ក្នុងឈានទៅដល់ការចុះហត្ថលេខាលើខ្សែការពារកណ្តាល Tosin Adarabioyo របស់ក្លឹប Fulham នេះបើយោងតាមសារព័ត៌មាន BBC បានចេញផ្សាយនៅថ្ងៃនេះ។
កីឡាករ Adarabioyo មានវ័យ ២៦ឆ្នាំ នឹងក្លាយជាកីឡាករគ្មានតម្លៃផ្ទេរចាប់ពីថ្ងៃទី៣០ ខែមិថុនាខាងមុខ ដែលរូបគេបានសម្រេចចិត្តមិនបន្តកិច្ចសន្យាកុងត្រាថ្មីជាមួយក្លឹប Fulham ទៀតនោះទេ ខណៈលោក Eddie Howe ត្រូវបានគេដឹងថា មានការចាប់អារម្មណ៍ខ្លាំងចំពោះអតីតយុវជនរបស់ Man City រូបនេះផងដែរ។
ការចាប់អារម្មណ៍ពីសំណាក់ក្លឹប Man United ទៅលើកីឡាករដែលមិនមានតម្លៃផ្ទេរនេះ ក៏ព្រោះក្លឹបកំពុងស្ថិតក្នុងស្ថានភាពហិរញ្ញវត្ថុដ៏តឹងតែង ខណៈដែលពួកគេព្យាយាមអនុវត្តទៅតាមច្បាប់ស្តីពីប្រាក់ចំណេញ និងនិរន្តរភាពរបស់ Premier League។ ជាមួយគ្នានេះ ក្លឹប Tottenham Hotspurs និងក្លឹប Liverpool ជាមួយក្រុមអ៊ីតាលី AC Milan ក៏មានពាក្យចចាមអារ៉ាមជាច្រើន បានលើកឡើងថាសុទ្ធតែមានការចាប់អារម្មណ៍លើខ្សែការពាររូបនេះផងដែរ៕
ប្រភព៖ BBC
Thomas Partey អតីតខ្សែបម្រើ-ការពារក្រុមកាំភ្លើងធំ Arsenal ទីបំផុតបានបង្ហាញខ្លួននៅតុលាការក្រោយរងបទចោទប្រកាន់ពីបទល្មើសរំលោភផ្លូវភេទសរុបចំនួន 6ករណី ។បុរសវ័យ 32 ឆ្នាំរូបនេះត្រូវបានដាក់អោយនៅក្រៅឃុំដើម្បីបង្ហាញខ្លួននៅ Old Bailey នាទីក្រុងឡុងដ៏សម្រាប់ការកាត់ទោសនៅចុងឆ្នាំនេះ ជុំវិញការចោទប្រកាន់ពីបទរំលោភសេពសន្ថវៈ និងការរំលោភបំពានផ្លូវភេទ។ ក្នុងអំឡុងពេលសវនាការកាលពីថ្ងៃអង្គារនៅតុលាការ Westminster ចៅក្រមគាត់បាននិយាយចោតប្រកាន់ Partey ពីបទរំលោភសេពសន្ថវៈលើស្ត្រី៣រូបផ្សេងគ្នា ខណៈបទល្មើសបានកើតឡើងនៅឆ្នាំចន្លោះឆ្នាំ 2021 និង 2022 តែប្រភពមិនបានបញ្ជាក់ពីទីកន្លែងបង្កហេតុ ពោលគឺនៅពេលដែលគាត់ជាកីឡាកររបស់ Arsenal នៅឡើយ។អត្ថបទកំពុងចាប់អារម្មណ៍៖ ធ្ងន់ករមែនទែន! អតីតខ្សែការពារ Arsenal រងបទចោទលើការរំលោភសេពសន្ធវៈ ៦ករណី សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មេធាវីរបស់ Partey គឺ Jenny Wiltshire ធ្លាប់បាននិយាយថាគាត់ បដិសេធការចោទប្រកាន់ទាំងអស់ប្រឆាំងនឹងកូនក្តីរបស់គាត់និងត្រៀមតវ៉ាតាមផ្លូវច្ចាប់។ទោះយ៉ាងណាលក្ខណ្ឌនៅក្រៅឃុំរបស់កីឡាករអន្តរជាតិហ្គាណាគឺ គាត់មិនអាចទាក់ទងស្ត្រីទាំងបីនាក់ណាមួយបានទេ ហើយត្រូវជូនដំណឹងដល់ប៉ូលិសអំពីការផ្លាស់ប្តូរអាសយដ្ឋានជាអចិន្ត្រៃយ៍ ឬការធ្វើដំណើរទៅក្រៅប្រទេស។កីឡាករបាល់ទាត់រូបនេះត្រូវបានគេរាយការណ៍ថាកំពុងត្រៀមខ្លួនចូលរួមជាមួយក្រុមអេស្ប៉ាញ Villarreal ក្នុងកិច្ចសន្យារយៈពេលមួយឆ្នាំជាមួយនឹងលទ្ធភាពនៃការបន្តរយៈពេល 12 ខែបន្ថែមទៀតក្រោយArsenalមិនបន្តកុងត្រាថ្មីអោយ។ ប្រភព:BBC
