គុនខ្មែរ៖ អ្នកប្រដាល់កាណដា វាយតំណាងប្រទេសមីយ៉ាន់ លោក Dave Leduc ដែលបងប្អូនប្រជាជនកម្ពុជា មានការស្គាល់យ៉ាងច្បាស់ក្រោយអ្នកប្រដាល់រូបគេធ្វើការប្រកួតជាមួយនឹងកីឡាករគុនខ្មែរ ព្រំ សំណាង កាលពីចុងឆ្នាំ២០២៣។ បច្ចុប្បន្ន Dave Leduc កំពុងស្ថិតនៅក្នុងប្រទេសកម្ពុជា និងបានប្រកាសថា ខ្លួន និងប្រពន្ធ ដែលមានផ្ទៃពោះ ៨ខែ នឹងមករស់នៅទីនេះ ដោយសារតែមើលឃើញប្រទេសកម្ពុជា មានសុខសុវត្តិភាព សម្រាប់ពួកគេ។

លោក Dave បានបង្ហោះនៅលើគណនី Facebook របស់លោកថា៖ «សារពិសេសជូនចំពោះកងកម្លាំងនគរបាលកម្ពុជា។ ប៉ូលីសខ្មែរមានវិជ្ជាជីវៈ និងចិត្តល្អ ហើយបើអ្នកមានគម្រោងមកលេងប្រទេសកម្ពុជា អ្នកអាចជឿជាក់ក្នុងចិត្តថា អ្នកទទួលបានការគោរព និងមានយុត្តិធម៌។ ខ្ញុំ​បាន​រើទីលំនៅមក​ប្រទេស​កម្ពុជា​ជាមួយ​កូន​ប្រុស​អាយុ​ 2 ​ឆ្នាំ និង​ប្រពន្ធ​មាន​ផ្ទៃ​ពោះ​ 8 ​ខែ ហើយ​ខ្ញុំ​គិត​ថា​ប្រទេស​មាន​សុវត្ថិភាព​ខ្លាំង​ណាស់។ សូមថ្លែងអំណរគុណដល់មន្ត្រីទាំងអស់ទូទាំងប្រទេស។ – ដាវ »