កីឡាករ Harry Maguire បានថ្លែងអំណរគុណដល់គ្រូបង្វឹកក្រុមតោកំណាចអង់គ្លេសលោក Gareth Southgate ដែលនៅតែគាំទ្ររូបលោកអោយមានឱកាសបង្ហាញវត្តមាននៅក្នុងក្រុមជម្រើសជាតិ ខណៈដែលមជ្ឈដ្ឋានបាល់ទាត់បានរិះគន់លើទម្រង់លេងរបស់ខ្សែការពារកណ្តាលរូបនេះ ថាមិនគួរមានវត្តមានបង្ហាញខ្លួនសម្រាប់ព្រឹត្តិការន៏ធំៗជាពិសេសនៅក្នុងក្រុមជម្រើសជាតិនោះឡើយ ។ ផ្ទុយទៅវិញអតីតកីឡាករ Wolver និង Leicester រូបនេះ ត្រូវបានក្រុមជម្រើសជាតិកោះហៅទោះបីជាមិនបានចូលលេងទៀងទាត់ក្នុងជម្រើសដំបូងសម្រាប់ក្រុមនៅក្នុងរដូវកាលនេះក៏ដោយ។Maguire វ័យ៣១ឆ្នាំធ្លាប់បង្ហាញខ្លួនចូលលេងអោយក្រុមជម្រើសជាតិលើកដំបូងចាប់តាំងពីឆ្នាំ២០១៧ បានបញ្ជាក់យ៉ាងដូច្នេះថាៈ ពិតជា ទំនុកចិត្តមួយថ្មីបន្ថែមទៀត។ មានមនុស្សរាប់លាននាក់ដែលគិតថាខ្ញុំគួរតែស្ថិតក្នុងតំណែងនេះរឺតួនាទីនោះនេះហើយជាបាល់ទាត់ ពីព្រោះអ្នកគ្រប់គ្នាមានគំនិតខុសគ្នា។

គួររំលឹកផងដែរថាកំលុងខែកញ្ញាឆ្នាំ ២០២៣ Maguire ត្រូវបានរងការរិះគន់ និង ដកហូតតំណែងពីប្រធានក្រុមMan. United ប៉ុន្តែរូបគេនៅតែទទួលបានទំនុកចិត្តអោយចូលលេង មិត្តភាពទល់នឹងស្កុតឡែននៅ Hampden Park ខណៈ Maguire ហើយត្រូវបានអ្នកគាំទ្រម្ចាស់ផ្ទះសើចចំអកក្រោយពេលរូបគេស៊ុតបញ្ចូលទីជម្រើសជាតិខ្លួនឯងនៅនាទីទី ៦៧។Maguire គ្រោងនឹងបង្ហាញខ្លួនក្នុងក្រុមជម្រើសជាតិជាលើកទី ៦៣ ក្នុងការប្រកួតមិត្តភាពនៅថ្ងៃសៅរ៍ជាមួយប្រេស៊ីលនៅ Wembley និងត្រៀមបង្ហាញខ្លួនសម្រាប់ព្រឹត្តិការណ៏ Euro ២០២៤ នៅប្រទេសអាល្លឺម៉ង់នាពេលខាងមុខនេះផងដែរ ។

ប្រភព:BBC

វីដេអូស្កុតឡេន & អង់គ្លេស

វីដេអូ Maguire នៅ Man.Utd