(អង់គ្លេស)៖ ក្លឹបបិសាចក្រហម Manchester United កំពុងចាប់អារម្មណ៍ក្នុងការចុះហត្ថលេខាខ្សែការពារកណ្តាល២រូបគឺ Gleison Bremer របស់ក្លឹបយក្សអ៊ីតាលី Juventus និង Jarrad Branthwaite របស់ក្លឹប Everton នៅរដូវក្តៅនេះ។
ស្របពេលជាមួយគ្នានេះ Raphael Varane និង Jonny Evans គ្រោងនឹងចាកចេញនៅពេលដែលកិច្ចសន្យារបស់ពួកគេផុតកំណត់នៅចុងរដូវកាលនេះ ខណៈបញ្ហារបួសរបស់ Lisandro Martinez កំពុងបង្ហាញពីការព្រួយបារម្ភដល់ក្លឹបផងដែរ។ យោងតាមសារព័ត៌មាន inews បានឱ្យដឹងថា Man United កំពុងរៀបចំផែនការ ដើម្បីពង្រឹងខ្សែការពារកណ្តាលថ្មី ២រូបនេះនៅមុនរដូវកាល២០២៤/២៥។
ទន្ទឹមនឹងនេះ Bremer បានបង្ហាញខ្លួន ៧១ប្រកួត ចាប់តាំងពីចូលរួមជាមួយ Juventus ពីក្លឹប Torino ក្នុងឆ្នាំ២០២២ ខណៈកុងត្រាកីឡាករវ័យ ២៦ឆ្នាំ នៅ Juventus មានសុពលភាពរហូតដល់ខែមិថុនា ឆ្នាំ២០២៨ ដោយលក្ខខណ្ឌដោះលែងប្រមាណ ៥០លានអឺរ៉ូ សម្រាប់ជម្រើសរបស់ Man Utd។
ក្រៅពី Bremer ក្លឹបបិសាចក្រហមក៏បានកោតសរសើរនូវសមត្ថភាពដ៏រឹងមាំរបស់ Branthwaite ដែលរូបគេជាផ្នែកសំខាន់នៃក្រុម Everton បច្ចុប្បន្ន។ ជាក់ស្តែង កីឡាករវ័យ ២១ឆ្នាំ ស្ថិតនៅក្រោមកិច្ចសន្យារហូតដល់ឆ្នាំ ២០២៧ ចំពេលគ្រូបង្វឹករបស់ Everton លោក Sean Dyche បានទទូចថាក្លឹបមានការស្ទាក់ស្ទើរក្នុងការលក់ខ្សែការពារវ័យក្មេងម្នាក់នេះ ខណៈ Man Utd ចរចាតម្លៃក្បែរ ៥០លានផោន ប៉ុណ្ណោះ៕
ប្រភព៖ SportsMole
បរទេសៈ ខ្សែប្រយុទ្ធឆ្នើមរបស់ក្លឹបបិសាចក្រហម Manchester United គឺ Marcus Rashford ដែលបច្ចុប្បន្នកំពុងលេងនៅក្លឹប Aston VIlla ក្នុងលក្ខខណ្ឌខ្ជីជើង ត្រូវបានគេរាយការណ៍ថា បានបើកការចរចារក្នុងការទទួលយកការកាត់ប្រាក់ឈ្នួល ដើម្បីអាចបញ្ចប់ការផ្ទេរទៅកាន់ក្លឹប FC Barcelona ដែលជាក្លឹបក្នុងក្តីស្រមៃរបស់គេ ។អត្ថបទកំពុងចាប់អារម្មណ៍៖ Rashford ចង់ផ្ទេរទៅកាន់ក្លឹបនៅអេស្ប៉ាញមួយ នៅទីផ្សារដោះដូរខាងមុខ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បច្ចុប្បន្នក្រុម Aston Villa បានមានសិទ្ធិក្នុងការទិញខ្សែប្រយុទ្ធរូបនេះក្នុងតម្លៃ៤០លានផោន តែ Rashford ហាក់បីចង់បង្ហាញផ្ទេរទៅកាន់ក្លឹបនៅទឹកដីអេស្ប៉ាញជាង ។ ទោះបីជាយ៉ាងណាមិញ Barcelona នៅតែបន្តជួបប្រទះបញ្ហាហិរញ្ញវត្ថុ ហើយ La Liga បន្តដាក់សម្ពាធយ៉ាងតឹងរឹងលើប្រាក់ឈ្នួលរបស់កីឡាករ ដែលនេះអាចជាមូលហេតុដ៏ពិបាកសម្រាប់ Barcelona ក្នុងការចុះកុងត្រាលើកីឡាករថ្មី៕
