បរទេស៖ ម្ចាស់ភាគហ៊ុន២៥ភាគរយថ្មីរបស់ក្លឹប Manchester United លោក Sir Jim Ratchliffe ត្រូវបានគេរាយការណ៍ថា បានបង្ហាញចំណាប់អារម្មណ៍លើការរក្សាទុកខ្សែប្រយុទ្ធ Marcus Rashford នៅ Old Trafford បន្តទៀត បើទោះបីបច្ចុប្បន្នក្លឹប PSG បានបើកការចាប់អារម្មណ៍លើខ្សែប្រយុទ្ធអង់គ្លេសរូបនេះយ៉ាងណាក្តី។ បើយោងទៅតាម Football Insider បានចុះផ្សាយថា ម្ចាស់ភាគហ៊ុនថ្មីរបស់ក្លឹប Manchester United គឺក្រុមហ៊ុន INEOS របស់លោក Sir Jim បានរក្សាចំណាប់អារម្មណ៍ចង់ឲ្យ Marcus Rashford នៅ Man Utd បន្តទៀត ។ របាយការណ៍នេះបានអះអាងថា បុរសវ័យ 71 ឆ្នាំ និងនាយកប្រតិបត្តិផ្សេងទៀតសម្រាប់បិសាចក្រហម “ដឹងពីអ្វីដែល Rashford អាចធ្វើបានល្អបំផុត” បន្ទាប់ពីទទួលបានផលិតភាពកាលពីរដូវកាលមុន៕

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស