(អេស្ប៉ាញ)៖ ថ្មីៗនេះ ខ្សែបម្រើឆ្នើម Frenkie de Jong ត្រូវបានគេរាយការណ៍ថាកំពុងពិចារណាអំពីអនាគតរបស់ខ្លួននៅក្លឹបអ្នកមានបុណ្យ Barcelona ដោយបានរៀបចំគម្រោងចង់ចាកចេញពីក្លឹបក្នុងអំឡុងពេលទីផ្សារដោះដូរកីឡាកររដូវក្តៅនេះ។ គួរកត់សម្គាល់ថា ក្លឹបបិសាចក្រហម Manchester United បានតាមប្រមាញ់ខ្សែបម្រើរូបនេះ ជាយូរមកហើយ តែសាមីខ្លួនបានបដិសេធការផ្ទេរជាច្រើនដង។
កីឡាករវ័យ ២៦ឆ្នាំ បានក្លាយជាកីឡាករដ៏សំខាន់ម្តងទៀតសម្រាប់ក្លឹបយក្សកាតាឡានក្នុងរដូវកាលនេះ ដោយបានបង្ហាញខ្លួនចំនួន ២២ដង ក្នុងការប្រកួតទាំងអស់ ដោយស៊ុតបញ្ចូលទីបាន ១គ្រាប់។ ជាក់ស្តែង កុងត្រារបស់ De Jong នៅ Camp Nou មានសុពលភាពរហូតដល់ខែមិថុនា ឆ្នាំ២០២៦ ឯណោះ ប៉ុន្តែបើយោងតាមអ្នកកាសែត Lluis Canut បានអះអាងថា បច្ចុប្បន្នកីឡាករសញ្ជាតិហូឡង់ កំពុងថ្លឹងថ្លែងការចាកចេញនៅចុងយុទ្ធនាការឆ្នាំ ២០២៣-២៤។
ទន្ទឹមនឹងនេះដែរ Man United ត្រូវបានគេរំពឹងថា នឹងជួសជុលខ្សែបម្រើរបស់ពួកគេនៅក្នុងទីផ្សារនាពេលខាងមុខ ដោយ Casemiro និង Christian Eriksen អាចបន្តលេងទៅមុខបាន ខណៈដែលអនាគតរបស់ Scott McTominay នឹងមានការជជែកគ្នាម្តងទៀត។
ដោយឡែក វាជាយុទ្ធនាការដ៏ច្របូកច្របល់សម្រាប់ក្រុម Barcelona ដោយគ្រូបង្វឹកលោក Xavi បានបង្ហើបកាលពីចុងខែមុនថាគាត់នឹងចុះចេញពីតំណែងនៅចុងបញ្ចប់នៃរដូវកាលនេះ។ ដូច្នេះហើយ កីឡាករសំខាន់ៗមួយចំនួនធំ ដូចជា De Jong នឹងមានអារម្មណ៍សោះកក្រោះជុំវិញករណីនេះ៕
ប្រភព៖ SportsMole
Luis Diaz បានលើកឡើងថាគាត់បានបំពេញកាតព្វកិច្ចចប់សព្វគ្រប់ នៅ Liverpool បន្ទាប់ពីបានបញ្ចប់ការផ្លាស់ប្តូរទៅកាន់កីឡដ្ឋាន Allianz Arena ក្នុងតម្លៃ 65.5 លានផោនជាមួយក្រុមជើងឯកអាឡឺម៉ង់ Bundesliga Bayern Munich ។កីឡាករអន្តរជាតិកូឡុំប៊ីបានចុះហត្ថលេខាលើកិច្ចសន្យារយៈពេល 4 ឆ្នាំជាមួយក្លឹបអាល្លឺម៉ង់ក្រោយពីអាជីពរយៈពេល 3 ឆ្នាំកន្លះរបស់គាត់នៅ Anfield ឈានដល់ទីបញ្ចប់។អត្ថបទកំពុងចាប់អារម្មណ៍៖ Luis Diaz ចាកចេញពី Liverpool ក្រោយចំណាយពេល ៣ឆ្នាំកន្លះ (មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតកីឡាករ Porto លេងតួនាទីបម្រើ-ប្រយុទ្ធស្លាបបច្ចុប្បន្នមានវ័យ 28 ឆ្នាំរូបនេះបានចាកចេញមុនការ ប្រកួតមុនបើករដូវកាលរបស់ Liverpool ជាមួយ AC Milan កាលពីថ្ងៃសៅរ៍ ខណៈក្រុមជើងឯក EPL បានច្រានចោលសំណើរដេញថ្លៃពី Bayern Munich ចំនួន 58.6 លានផោនកាលពីដើមខែនេះត្រូវបានបដិសេធ និង ទទួលយកការដេញថ្លៃលើកទីពីរចំនួន […]
