ជាលើកទី៣សម្រាប់​ក្នុង​រយៈ​ពេល ១១ ឆ្នាំ​ចុង​ក្រោយ​នេះខណៈការ​ប្រជែង​ដណ្តើម​ពាន Premier League នឹង​ត្រូវ​សម្រេច​នៅ​ថ្ងៃ​ចុង​ក្រោយនៃការប្រកួតបិទរដូវកាល ខណៈក្រុម​ម្ចាស់​ជើង​ឯក Manchester City កំពុង​សម្លឹង​រក​ការការពារពានរបស់ខ្លួន​នៅ​ផ្ទះនាទឹកដី Eithad ​ទល់​នឹងក្រុមញញួរធំ West Ham United សម្រាប់ការប្រកួតចុងក្រោយនៅ​ថ្ងៃ​អាទិត្យស្អែកនេះវេលាម៉ោង ១០យប់។សម្រាប់ក្រុមលោក David Moyes អាចដើរតួជាក្តីសង្ឃឹមតែមួយគត់ដែលអាចជំនួសអោយក្រុម Arsenal របស់លោក Mikel Arteta ក្នុងការបង្អាក់ការលើកពានក្រុមលោក Pep Guardiola ដើម្បីសាងប្រវត្តិសាស្រ្តលើកពាន ក្របខណ្ឌ EPL ជាលើកទី៤បាននោះ។ ៦ប្រកួតចុងក្រោយនៅក្របខណ្ឌ Premier League របស់ Man.City គឺធ្វើបានល្អណាស់ ខណៈពួកគេមិនដែលចាញ់និងឈរនៅលេខរៀងទី១ ដោយមានគម្លាត ពីក្រុម Arsenal ២ពិន្ទុប៉ុណ្ណោះ ។សម្រាប់ West Ham វិញ៦ប្រកួតចុងក្រោយនៅក្របខណ្ឌ EPL គឺឈ្នះ២ចាញ់៣ស្មើ១បច្ចុប្បន្នឈរនៅលេខរៀងទី១៥។ ជួបគ្នាដើមរដូវកាល West Ham ១:៣  Man.City។អត្ថបទកំពុងចាប់អារម្មណ៍៖ Juventus ​ចែកផ្លូវជាមួយគ្រូបង្វឹកក្រោយជួយក្រុមលើកពាន […]