(អេស៉្បាញ)៖ ខ្សែបម្រើវ័យ ២២ឆ្នាំ Facundo Pellistri របស់ក្រុមបិសាចក្រហម Manchester United ត្រូវបានគេរាយការណ៍ថា នឹងបញ្ចប់ការផ្លាស់ប្តូរខ្ចីជើងទៅកាន់ក្លឹបនៅក្របខណ្ឌ La Liga គឺក្លឹប Granada មុនពេលបញ្ចប់ទីផ្សារដោះដូរកីឡាករនាខែមករានេះ។ ដោយឡែកមានការរំពឹងទុកជាច្រើនជុំវិញអនាគតរបស់កីឡាករជម្រើសជាតិអ៊ុយរូហ្គាយ ដោយក្លឹបមួយចំនួនត្រូវបានគេជឿថា បានបង្ហាញពីចំណាប់អារម្មណ៍ក្នុងការចុះហត្ថលេខាលើរូបគេក្នុងលក្ខខ័ណ្ឌខ្ចីជើង។
គួរកត់សម្គាល់ថា Pellistri បានបង្ហាញខ្លួន ១៤លើក សម្រាប់ក្រុមរបស់អ្នកចាត់ការទូទៅលោក Erik ten Hag នៅរដូវកាលនេះ រួមទាំងការប្រកួត ៩ដងក្នុងក្របខ័ណ្ឌ Premier League ប៉ុន្តែគាត់បានបង្ហាញខ្លួនត្រឹមតែម្តងគត់។ រំលឹកដែរថា Pellistri បានមកដល់ Old Trafford ពីក្រុម Penarol ក្នុងឆ្នាំ ២០២០ ហើយគាត់បានបង្ហាញខ្លួន ២៤លើកសម្រាប់បិសាចក្រហមក្នុងការប្រកួតទាំងអស់ ដោយ assists បាន ២ដង ខណៈកុងត្រាជាមួយ Man United នឹងផុតកំណត់រហូតដល់ខែមិថុនា ឆ្នាំ២០២៥ និងមានជម្រើសបន្តកុងត្រា ១ឆ្នាំ បន្ថែមទៀត៕
ប្រភព៖ SportsMole
(អង់គ្លេស)៖ របាយការណ៍ថ្មីៗនាព្រឹកនេះ បានឲ្យដឹងថា គ្រូបង្វឹកបច្ចុប្បន្នក្លឹប Crystal Palace លោក Oliver Glasner គឺជាបេក្ខភាពជំនួសតំណែងអ្នកចាត់ការទូទៅក្លឹបបិសាចក្រហម Manchester United គឺលោក Ruben Amorim បន្ទាប់ពីមានភាពចម្រូងចម្រាស់បរាជ័យផ្ទួនៗតែម្តងនារដូវកាលថ្មី Premier League ដោយស្ថិតនៅក្នុងចំណាត់ថ្នាក់លេខ១៤។អត្ថបទកំពុងចាប់អារម្មណ៍៖ ស្ថានការណ៍មិនសមប្រកប! គ្រូបង្វឹកថ្មីម្នាក់ នឹងចូលជំនួសលោក Amorim ប្រសិនក្លឹបមិនធ្វើរឿងមួយនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា លោក Glassner បានគំរាមកំហែងពីការលាឈប់ពីតួនាទីរបស់គាត់នៅ Crystal ប្រសិនបើក្លឹបនៅតែចង់លក់ប្រធានក្រុម Marc Guehi ទៅឲ្យក្លឹបហង្សក្រហម Liverpool ៕ ប្រភព៖ SPORTbible
