(បរទេស)៖ ថ្មីៗនេះ ក្លឹប Al Nassr ដែលតារាឆ្នើម Cristiano Ronaldo កំពុងប្រកបអាជីពលេងបច្ចុប្បន្ន បានត្រៀមខ្លួនរួចរាល់ក្នុងការផ្តល់ជូនដល់ខ្សែការពារ Aaron Wan-Bissaka បន្ទាប់ពីក្រុមបិសាចក្រហម Manchester United បានច្រានចោលបដិសេធក្លឹបអ៊ីតាលី Inter Milan លើការដោះដូរខ្សែការពាររូបនេះ ឃើញឱកាសល្អបែបនេះ Al Nassr បានចូលឆ្មក់ដេញថ្លៃ ខណៈក្រុម Al Nassr ក៏កំពុងខ្វះខាតតំបន់ការពារស្លាបផងដែរ នេះបើយោងតាមកាសែត The Telegraph។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញ Wan-Bissaka មិនស្ថិតនៅក្នុងគម្រោងរបស់លោក Erik ten Hag នៅរដូវកាលនេះនោះទេ ក្រោយបាត់មុខអស់រយៈពេលជាយូរដោយសាររបួស។ ដោយឡែកខ្សែការពារស្លាបវ័យ ២៦ឆ្នាំ រូបនេះបានបង្ហាញខ្លួន ១៣លើក នៅ Premier League រដូវកាលនេះ ខណៈកាលពីដើមខែមករានេះក្រុម Man United បានឱ្យជម្រើសបន្តកុងត្រាថ្មីរហូតដល់ឆ្នាំ ២០២៥ សម្រាប់ Wan-Bissaka៕

ប្រភព៖ sportbible