(អង់គ្លេស)៖ អតីតអ្នកចាំទី Manchester United កីឡាករ David De Gea ដែលកំពុងគ្មានក្លឹបលេង បានបើកចំហចំពោះការផ្លាស់ទៅក្លឹបសារិកាព្រៃ Newcastle United ប្រសិនបើគ្រូបង្វឹកលោក Eddie Howe សម្រេចចិត្តកំណត់គោលដៅចង់បានអ្នកចាំទីម្នាក់ទៀត បន្ទាប់ពីបាត់បង់អ្នកចាំទី Nick Pope ដោយសារបញ្ហារបួសស្មាយ៉ាងធ្ងន់ធ្ងរក្នុងជ័យជម្នះ ១-០ ទៅលើក្រុម Man Utd នៅ St James’ Park កាលពីថ្ងៃសៅរ៍ ខណៈនឹងត្រូវសម្រាកព្យាបាលប្រហែល ៤ ទៅ ៥ ខែ។

យ៉ាងណាមិញ អ្នកចាំទី De Gea មានវ័យ ៣៣ ឆ្នាំជាភ្នាក់ងារឥតគិតថ្លៃ បន្ទាប់ពីចែកផ្លូវជាមួយ Man Utd ក្រោយរួមរស់អស់ជាង ១២ ឆ្នាំនៅ Old Trafford ដែលបានបង្ហាញខ្លួនសរុប ៥៤៥ ប្រកួត។ ទោះជាយ៉ាងណាក៏ដោយ De Gea បានឈ្នះស្រោមដៃមាសនៅ Premier League កាលពីរដូវកាលមុនសម្រាប់ Clean Sheet ច្រើនជាងគេ (១៧)៕

ប្រភព៖ BBC & The Telegraph