រដ្ឋាភិបាលកូឡុំប៊ីនៅថ្ងៃសុក្រនេះបានបញ្ជាក់ពីស្ថានភាពឪពុកខ្សែប្រយុទ្ធហង្សក្រហម Liverpool លោក Luis Diaz ដែលត្រូវត្រូវក្រុមភេរវជនចាប់ពង្រត់នោះអាចនិងត្រូវដោះលែងនៅប៉ុន្មានម៉ោងខាងមុខនេះយោងការបញ្ជាក់ពីគេហទំព័រsportskeeda។គួររំលឹកថាឪពុក Diaz និងម្តាយ របស់គេទាំងពីរនាក់ត្រូវបានចាប់ពង្រត់ពីស្ថានីយ៍ប្រេងឥន្ធនៈមួយពីទីក្រុង Barrancas ភាគខាងជើងនៃប្រទេសកូឡុំប៊ីកាលពីថ្ងៃសៅរ៏។ ប៉ុន្តែជាសំណាងល្អ ម្តាយរបស់គាត់ត្រូវបានដោះលែងនៅថ្ងៃដដែល ប៉ុន្តែឪពុកគាត់នៅបន្តបាត់ខ្លួនដោយអាថ៌កំបាំង ស្របពេលភ្នាក់ងារ សន្តិសុខ របស់ប្រទេសកូឡុំប៊ី រួមមានបុគ្គលិកជាង ២០០នាក់ បានប្រមូលផ្តុំដើម្បីដោះស្រាយស្ថានភាពនេះ។ ជាការលើកទឹក ចិត្តដើម្បី ពន្លឿន ការស្វែងរក រង្វាន់ ៤ម៉ឺនផោនស្មើនិង (២០០ លានប៉េសូ) ត្រូវបានផ្តល់ជូនសម្រាប់ព័ត៌មាន ឈានដល់ការរកឃើញជនរងគ្រោះ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទោះយ៉ាងណាពត៌មានចុងក្រោយថ្មីៗនេះបានបញ្ជាក់ថាៈកងទ័ពរំដោះជាតិ Ejército de Liberación Nacional ហៅកាត់ថា (ELN) បានចេញមុខទទួលខុសត្រូវក្រោយការចាប់ជំរិត នេះបើយោងតាមរដ្ឋាភិបាលកូឡុំប៊ីបានបញ្ជាក់។គួរបញ្ជាក់ថាក្រុមប្រដាប់អាវុធELN ( ត្រូវបានបង្កើតឡើងក្នុងឆ្នាំ ១៩៦៤) ហើយត្រូវបានគេជឿថាជាក្រុមឧទ្ទាមដែលសកម្មបំផុតនាពេលបច្ចុប្បន្ននេះ។ ពួកគេមានជម្លោះជាមួយរដ្ឋាភិបាលអស់ជាច្រើនទស្សវត្សកន្លងមកនេះ ទោះបីជាភាគីទាំងពីរថ្មីៗនេះបានចុះហត្ថលេខាលើបទឈប់បាញ់រយៈពេលប្រាំមួយខែ ចន្លោះខែសីហា ឆ្នាំ ២០២៣ ដល់ខែកុម្ភៈ ឆ្នាំ ២០២៤ក៏ដោយ ។
ប្រភព:sportskeeda
