(អង់គ្លេស)៖ យោងតាមសារព័ត៌មានអ៊ីតាលី Calciomercato បានឲ្យដឹងថា ខ្សែប្រយុទ្ធស្លាប Rafael Leao របស់ក្លឹប AC Milan កំពុងត្រូវបានក្រុមបិសាចក្រហម Manchester United កំណត់គោលដៅចង់បាន ដើម្បីជំនួសតំបន់ប្រយុទ្ធ Marcus Rashford នៅជម្រើស ១១នាក់ដំបូង ដោយតម្លៃខ្លួនផ្ទេរ Leao ប្រមាណជា ៩០លានអឺរ៉ូ។ កីឡាករព័រទុយហ្កាល់វ័យ ២៤ឆ្នាំរូបនេះ បានបង្ហាញភាពលេចធ្លោ និងជំនាញប៉ិនប្រសប់ ដែលធ្វើឲ្យមានការប្រៀបធៀបជាមួយនឹងវិរបុរស Thierry Henry។ ទន្ទឹមនឹងនេះ Rafael Leao កំពុងមិនសប្បាយចិត្ត និងពិចារណាឡើងវិញអំពីអនាគតខ្លួននៅ AC Milan ខណៈដែលកិច្ចសន្យាកុងត្រាជាមួយក្លឹបរយៈពេលវែងកាលពីរដូវកាលមុន មិនទាន់មានផ្លែផ្កានៅឡើយ៕

ប្រភព៖ sportbible