(អារ៉ាប៊ីសាអូឌីត)៖ យោងតាមសារព័ត៌មាន ​​ESPN បានឱ្យដឹងថា ក្លឹប Al Ettifaq បានត្រៀមខ្លួនរួចជាស្រេច ដើម្បីចែកផ្លូវជាមួយកីឡាករបរទេសពីររូប ដើម្បីឱ្យពួកគេមានកន្លែងក្នុងការចុះហត្ថលេខានាំយក Jesse Lingard ។ កាលពីខែមុន អតីតកីឡាករ Manchester United ប៊ិះនឹងមកហ្វឹកហាត់ចូលរួមជាមួយក្លឹប Al Ettifaq ទៅហើយ។ ទន្ទឹមនឹងនេះ ច្បាប់របស់ Saudi Professional League ចែងថាមានតែកីឡាករបរទេស ៨នាក់ប៉ុណ្ណោះ ដែលត្រូវបានអនុញ្ញាតឱ្យបញ្ចូលក្នុងក្រុម ខណៈ Al Ettifaq បច្ចុប្បន្នមាន ១០នាក់។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

របាយការណ៍បានបញ្ជាក់ថា កីឡាករស៊ុយអែត Robin Quaison និងខ្សែប្រយុទ្ធប្រេស៊ីល Vitinho អាចនឹងត្រូវចាកចេញ។ គួរជម្រាបដែរថា អ្នកចាត់ការទូទៅលោក Gerrard នឹងត្រូវធ្វើការធ្ងន់ ដើម្បីបញ្ចុះបញ្ចូល Lingard ឲ្យមករួមក្រុមនាខែមករាខាងមុខ៕

ប្រភព៖ sportbible