ខ្សែបម្រើស្លាបសញ្ជាតិប្រេស៊ីល Antony របស់ក្រុមបិសាចក្រហម Man. United នឹងត្រលប់មកហ្វឹកហាត់វិញ បន្ទាប់ពីមានការចោទប្រកាន់ពីបទរំលោភបំពានដោយប្រើអំពើហិង្សាលើអតីតមិត្តស្រីរបស់ខ្លួននាង Gabriela Cavallin ជាឌីជេក្នុងសណ្ឋាគារមួយកន្លែងនាទីក្រុង Manchester ។ព្រមជាមួយគ្នានោះនាង Cavallin បានបញ្ជាក់ផងដែរថា Antony បានប្រើអំពើហិង្សាដាល់ចំដើមទ្រូងដែលបានបណ្តាលអោយខូចប្រដាប់ផ្សាំសុដន់ស៊ីលីកូន ដែលទាមទារការវះកាត់កែតម្រូវ។គួរកត់សម្គាល់ថា ខ្សែបម្រើ-ប្រយុទ្ធស្លាបវ័យ ២៣ឆ្នាំ បានវិលត្រលប់មកពីមាតុភូមិប្រេស៊ីលវិញកាលពីថ្ងៃអង្គារ ខណៈអតីតកីឡាករ Ajax រូបនេះបានធ្វើការសហការផ្តល់ ពត៌មានជាមួយសមត្ថកិច្ចនៅ Greater Manchester កាលពីថ្ងៃព្រហស្បតិ៍កន្លងទៅស្របពេលដែលរូបគេមិនត្រូវបានចាប់ខ្លួនក្រោយរងបទចោតកើតឡើងតាំងពីរថ្ងៃទី៤កញ្ញាហើយពាក្យបណ្តឹងនេះបានចូលជាធរមាននៅក្នុងប្រទេសប្រេស៊ីល ឬចក្រភពអង់គ្លេសនៅឡើយនោះ។
ក្រុមម្ចាស់ជើងឯកអង់គ្លេស២០សម័យក៏បានចេញសេចក្តីថ្លែងការមួយនៅថាៈ ក្លឹប Manchester United បានសម្រេចចិត្តផ្តល់អោយ Antony បន្តការហ្វឹកហាត់នៅ Carrington ហើយនិងមានឪកាសពីសំណាក់គ្រូបង្វឹកក្នុងការការជ្រើសរើសអោយចូលលេង ប៉ុន្តែទោះយ៉ាងណាដំណើរការ ការស៊ើបអង្កេតរបស់ប៉ូលីសនៅកំពុងដំណើរការនៅឡើយ។ គួររំលឹកថា Antony បានខកខានចូលរួមការប្រកួតរហូតដល់ទៅ ៤ដងរួចទៅហើយសម្រាប់ក្រុម ក្រោយរងការចោតប្រកាន់ខណៈដែលអតីតដៃគូរបស់គាត់ គឺនាងGabriela Cavallin មិនមានជានារីរងគ្រោះទីមួយនោះទេស្របពេលមាននារីពីរនាក់បន្ថែមទៀតគឺមានឈ្មោះថា Rayssa de Freitas និង Ingrid Lana ម្នាក់ៗបានអះអាងថា Antony បានរំលោភពួកគេនៅឆ្នាំ ២០២២ ប៉ុន្តែត្រូវបានសាម៉ីខ្លួនបដិសេធការប្រើហិង្សាទាំងពីរករណីនេះផងដែរ។
ប្រភព:BBC
