(អង់គ្លេស)៖ តារាឆ្នើមព័រទុយហ្គាល់ Cristiano Ronaldo ខិតជិតនឹងចូលរួមជាមួយក្លឹបហង្សក្រហម Liverpool កាលពីគាត់នៅក្លឹបកំណើត Sporting ដោយកាលនោះអ្នកចាត់ការទូទៅ Liverpool លោក Gerrard Hollier បាននិយាយបញ្ជាក់ប្រាប់ថា «ប្រាក់ឈ្នួលរបស់ Ronaldo គឺខ្ពស់ខ្លាំងពេក ហើយ​ក្លឹបមិន​អាច​បើក​ប្រាក់​ខែ​តាមតែ​ចិត្ត​គាត់បាននោះ​ទេ»។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះផងដែរ អ្នកចាត់ការទូទៅលោក Sir Alex Ferguson បានឃើញ និងចាប់អារម្មណ៍លើសមត្ថភាព Ronaldo នៅក្នុងការប្រកួតមិត្តភាពរវាង Sporting ជាមួយ United បន្ទាប់ពីប្រកួតនោះមកលោក Sir Alex ក៏បានចុះហត្ថលេខានាំយក Ronaldo មកកាន់ Old Trafford។ Ronaldo បានយល់ព្រមលើការផ្ទេរក្នុងតម្លៃ ១២.២៤លានផោន ក្នុងឆ្នាំ២០០៣ ដែលត្រូវបានគេមើលឃើញថាជាការផ្ទេរដ៏ជោគជ័យបំផុតនៅអំឡុងពេលនោះ៕

ប្រភព៖ sportbible ចុះផ្សាយថ្ងៃទី២៦ ខែកញ្ញា ឆ្នាំ២០២៣