ក្លឹប AC Milan បានយល់ព្រមលើកិច្ចព្រមព្រៀងតម្លៃ 36 លានផោន បូករួមផលប្រយោជន៍ផ្សេងទៀតដើម្បីចុះហត្ថលេខានាំយកខ្សែប្រយុទ្ធ Chelsea កីឡាករ Christopher Nkunku មកកាន់ទឹកដី San Siro។កីឡាករវ័យ 27 ឆ្នាំរូបនេះត្រូវបានគេរំពឹងថានឹងទទួលយកការកាត់ប្រាក់ខែដើម្បីចូលរួមជាមួយក្រុមអ៊ីតាលីក្នុងកិច្ចសន្យារយៈពេល 5 ឆ្នាំ មុនពេលធ្វើដំណើរទៅពិនិត្យសុខភាពនៅអ៊ីតាលី។ការចាកចេញរបស់កីឡាករអន្តរជាតិបារាំងNkunku ពីទឹកដី Stamford Bridge ជាការបើកផ្លូវដ៍ទូលំទូលាយសម្រាប់ពួកគេលើការចុះហត្ថលេខានាំយកលើខ្សែបម្រើស្លាប Alejandro Garnacho ពី Manchester United ខណៈខ្សែប្រយុទ្ធ Nicolas Jackson ក៏កំពុងពិភាក្សាលើការផ្ទេរក្នុងលក្ខណ្ឌខ្ចីជើងទៅកាន់ Bayern Munich ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ការលក់ Nkunku ក៏មានន័យថា Chelsea អាចធ្វើអោយក្លឹបមានតុល្យភាពរវាងចំណូល និង ចំណាយ លើការទិញកីឡាករហើយវាមានសារៈសំខាន់ចំពោះ Chelsea នៅរដូវក្តៅនេះ ដោយសារតែការដាក់ទណ្ឌកម្មរបស់ UEFA ដែលរួមបញ្ចូលការផាកពិន័យចំនួន 31 លានអឺរ៉ូ (26.7 លានផោន) ហើយរួចផុតពីនេះគឺអាចចុះឈ្មោះកីឡាករថ្មីសម្រាប់ការប្រកួតក្របខ័ណ្ឌ Champions Leagueរបស់ពួកគេ ។
Nkunku ស៊ុតបញ្ចូលទីបាន 18 គ្រាប់ និង Assist 5 ដងក្នុង 62 ប្រកួតសម្រាប់ Chelsea បន្ទាប់ពីផ្ទេរពី RB Leipzig ក្នុងតម្លៃប្រហែល 52 លានផោនក្នុងឆ្នាំ 2023 ។កីឡាករអន្តរជាតិបារាំងរូបនេះបានដើរតួនាទីយ៉ាងសំខាន់ក្នុងក្រុម Chelsea ឈ្នះពាន Club World Cup និង Conference League នៅរដូវកាលមុន។
ប្រភព:BBC
វីដេអូ Christopher Nkunku:
វីដេអូ:Nicolas Jackson
