(អង់គ្លេស)Jordan Henderson គ្រោងនឹងចុះហត្ថលេខាជាមួយក្រុមរហស្សនាមសត្វឃ្មុំ Brentford ខណៈអតីតកាពីតែនខ្សែបម្រើក្រុម Liverpool បានក្លាយជាកីឡាករដែលអាចចូលរួមជាមួយក្លឹបដទៃទៀតដោយគ្មានតម្លៃខ្លួន(Free Transfer) បន្ទាប់ពីរូបគេចាកចេញពីក្លឹប Ajax ។ អតីតកីឡាករក្រុមជម្រើសជាតិអង់គ្លេសរំពឹងថានឹងចុះហត្ថលេខាលើកិច្ចសន្យារយៈពេលពីរឆ្នាំ។គួរកត់សម្គាល់ថាថ្មីៗនេះ Brentford បានបាត់បង់ប្រធានក្រុម និងជាខ្សែបម្រើជម្រើសដំបូងរបស់ពួកគេ Christian Norgaard ទៅ Arsenal ខណៈគ្រូបង្វឹក Thomas Frank ចាកចេញទៅ Spurs ប៉ុន្តែពួកគែបានតែងតាំង Keith Andrews ជាគ្រូបង្វឹកថ្មី ។
ទោះបីមានវ័យ ៣៥ឆ្នាំ ទៅហើយក្តី ប៉ុន្តែ Brentford ជឿជាក់ថា Henderson ធ្លាប់ជាប់ជម្រើសជាតិអង់គ្លេសចំនួន៨៤លើក នឹងនាំមកនូវបទពិសោធន៍ និងគុណភាពដ៏សំខាន់ដល់ក្រុម។
Henderson ធ្លាប់មានបទពិសោធន៍លេងនៅក្លឹប Saudi Pro League គឺ Al-Ittifaq នៅរដូវកាល ២០២៣-២០២៤ ផងដែរក្រោយចាកចេញពីLiverpool ។
ប្រភព:Skysports
វីដេអូ:
