អ្នកជំនាញផ្នែកទីផ្សារដោះដូរកីឡាករដ៏ល្បីល្បាញលោក Fabrizio Romano បានបញ្ជាក់នៅលើបណ្តាញទំនាក់ទំនង YouTube របស់គាត់ថា Juventus មានផែនការបណ្តេញ លោកThiago Motta នៅចុងបញ្ចប់នៃរដូវកាលនេះ ខណៈប្រធានក្លឹប Juventus និងថ្នាក់ដឹកនាំក្លឹបកំពុងតែទប់ទល់នឹងបញ្ហាប្រឈមដែលកើតមានឡើងសម្រាប់បុរសសញ្ជាតិអ៊ីតាលីគិតត្រឹមពាក់កណ្ដាលរដូវកាលដោយJuventus រងបរាជ័យ៣ដង ខណៈ២លើកចុងក្រោយគឺពួកគេចាញ់ធ្ងន់ករ ក្រោយចាញ់ Atlanta ៤ទល់និង០ កាលពីដើមខែមីនា ពួកគេ បានបន្តចាញ់ Fiorentina ៣ទល់និង០ កាលពីថ្ងៃចន្ទម្សិលមិញទៀត។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

អតីតគ្រូបង្វឹក Bologna សញ្ជាតិអ៊ីតាលីដើមកំនើតប្រេស៊ីល Motta បច្ចុប្បន្នមានវ័យ ៤២ឆ្នាំ បច្ចុប្បន្នមានកិច្ចសន្យាជាមួយ Juventus រហូតដល់រដូវក្តៅឆ្នាំ ២០២៧ ប៉ុន្តែការដឹកនាំដំបូងរបស់គាត់ក្នុងការគ្រប់គ្រងក្លឹបដែលគាត់បានលេងនៅមិនទាន់បានល្អដូចការគ្រោងទុកនោះទេ។

Juventus បាន​ធ្លាក់​ចេញ​ពី​ក្រប​ខ័ណ្ឌ Champions League នៅ​វគ្គ Play-off និង Coppa Italia បាត់ទៅហើយនៅរដូវកាលនេះ ខណៈក្រុមស្រ្តីជរា Juventus កំពុងឈរនៅចំណាត់ថ្នាក់ទី ៥ ក្នុងក្របខ័ណ្ឌ Serie A ដែលប្រឈមមិនមានសិទ្ធិសម្រាប់ការប្រកួត Champions League នៅរដូវកាលក្រោយផងដែរ។
ប្រភព:Tribuna
វីដេអូ: Juventus vs Atalanta

វីដេអូ:Fiorentina vs Juventus