Sergio Ramos ខ្សែការពារជនជាតិអេស្ប៉ាញអាយុ 38 ឆ្នាំជាខ្សែការពារល្បីល្បាញក្នុងក្លឹប Real Madrid បានចូលរួមជាផ្លូវការជាមួយក្រុម Monterrey ជាផ្លូវការ។

Ramos បានបង្ហាញវត្តមាននៅពហុកីឡដ្ឋាន BBVA មុខអ្នកគាំទ្រ 5 ម៉ឺននាក់ នឹងបានសម្តែងការប្តេជ្ញាចិត្តក្នុងការក្សាកេរ្តិ៍ដំណែលចុងក្រោយក្នុងអាជីពរបស់លោកជាមួយនឹងក្លឹបមួយនេះ។ កិច្ចសន្យារបស់គាត់ដែលត្រូវបានរាយការណ៍ថា មានភាពប្លែកៗ ជាខ្លាំង ដូចជាលោកមានសិទ្ធិជ្រើសរើសការប្រកួតណាដែលលោកចង់បង្ហាញវត្តមាន ឬក៏ចង់អវត្តមាន, ប្រាក់រង្វាន់សម្រាប់ការបង្ហាញខ្លួនក្នុងការប្រកួតផ្សេងៗ និងការចែកភាគហ៊ុនដែលក្លឹបបានលក់អាវដែលមានឈ្មោះរបស់គាត់។ Ramos នឹងពាក់លេខ 93 ដែលជានិមិត្តរូបនៃគ្រាប់បាល់ដ៏គួរឱ្យចងចាំរបស់គាត់ក្នុងការប្រកួតវគ្គផ្តាច់ព្រ័ត្រ Champions League ឆ្នាំ 2014 ៕