បរទេសៈ Manchester United បានឈានដល់កិច្ចព្រមព្រៀងខ្ចីជើង ខ្សែបម្រើស្លាប Antony ទៅ Real Betis រហូតដល់ចុងបញ្ចប់នៃរដូវកាលនេះ ដោយគ្មានជម្រើសក្នុងការទិញ។ ចាប់តាំងពីការផ្ទេរក្នុងតម្លៃ 95 លានអឺរ៉ូរបស់គាត់ពី Ajax ក្នុងឆ្នាំ 2022 ខ្សែប្រយុទ្ធ Antony បានជួបការលំបាកជាខ្លាំងក្នុងការទទួលបានតួនាទីលេងជម្រើស១១ជាប់លាប់ ដោយបច្ចុប្បន្នរូបគេទើបអាចស៊ុតបញ្ចូលទីបាន 12 គ្រាប់ក្នុងការបង្ហាញខ្លួន 95 លើក។

អ្នកចាត់ការ Ruben Amorim បានទទួលស្គាល់អំពីស្ថានភាពនេះ ដោយសរសើរការខិតខំប្រឹងប្រែងរបស់ Antony ប៉ុន្តែបានកត់សម្គាល់ពីភាពមិនច្បាស់លាស់អំពីអនាគតរបស់គាត់អំឡុងពេលទីផ្សារដោះដូរកីឡាករខាងមុខនេះផងដែរ៕