គ្រូបង្វឹករបស់ក្លឹបបិសាចក្រហម Manchester United គឺ Ruben Amorim បានទទួលស្គាល់ថា នេះអាចជាឈុតដ៏អាក្រក់បំផុតសម្រាប់ប្រវត្តិសាស្ត្ររបស់ក្លឹប Man United ក្រោយបរាជ័យក្រោមថ្វីជើងក្រុម Birghton ដោយលទ្ធផល ៣-0 នៅក្នុងផ្ទះខ្លួនឯង ។ ការបរាជ័យនេះបានធ្វើឲ្យក្រុម Man Utd បរាជ័យជាលើកទី៦ក្នុងការប្រកួតចំនួន១២ក្នុងផ្ទះ ដែលនេះជាលើកដំបូងហើយចាប់តាំងពីឆ្នាំ​១៨៩៣-៩៤។ ក្រោមការដឹកនាំរបស់លោក Amorim ក្លឹបរកបានត្រឹមតែ១១ពិន្ទុ ក្នុង១១ប្រកួត ដោយបច្ចុប្បន្នស្ថិតនៅលេខ១៣នៃតារាង Premier Leaguee ។ ទោះជាយ៉ាងណាមិញលោក Amorim នឹងមានប្តេជ្ញាចិត្តថា ទម្រង់លេងរបស់លោក និងជួយឲ្យក្រុមទទួលបានជោគជ័យសារជាថ្មី ។​ បច្ចុប្បន្នក្លឹបមួយនេះក៏មានបញ្ហាប្រឈមដ៏ធំមួយទៀតផងដែលគឺទាក់ទងនឹងអនាគតរបស់កីឡាករសំខាន់ដូចជា Marcus Rashford និង Casemiro ដែលសុទ្ធសឹងតែផ្សារភ្ជាប់ពាក្យចរចាមរាមថា នឹងចាកចេញឆាប់ៗនេះ ៕