អតីតកីឡាករ Manchester United Charlie Scott បានចូលរួមជាមួយក្រុមបឹងកេតក្នុងលីគកំពូលកម្ពុជា (CPL)។ កីឡាកររូបនេះធ្លាប់មានបទពិសោធន៍លេងឱ្យក្រុម U23 របស់ Man Utd និងក្លឹបផ្សេងៗជាច្រើនទៀត។ ការមកដល់របស់ Scott គឺជាកត្តាដ៏សំខាន់បំផុតសម្រាប់ពង្រឹងកម្លាំងការពាររបស់បឹងកេត ហើយវាជាផ្តល់ឱកាសសម្រាប់គេបង្ហាញសមត្ថភាពនៅលីគកម្ពុជាផងដែរ។ Charlie Scott បានចូលរួមជាមួយនឹងថ្នាល់របស់ Manchester United តាំងពីអាយុ 6 ឆ្នាំ ដោយរូបគេលេងជាខ្សែការពារ និងធ្លាប់បានលេងជាមួយនឹងខ្សែប្រយុទ្ធ Man Utd បច្ចុប្បន្ន Marcus Rashford នៅឈុត U18 និង U23 ផងដែរ។ ក្រោយពីចាកចេញពី Manchester United នៅឆ្នាំ 2018 កីឡាករ Scott បានបន្តអាជីពលេងឱ្យក្លឹបនៅលីគនៅអង់គ្លេស ដូចជា Altrincham និង Newtown​ ផងដែរ៕